Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Theragāthā
Nandakattheragāthā (THAG4.4)
- Thông tin
- Mã SuttaCentral: THAG4.4
Theragāthā 4.4
Catukkanipāta
Paṭhamavagga
Nandakattheragāthā
“Dhiratthu pūre duggandhe,
mārapakkhe avassute;
Navasotāni te kāye,
yāni sandanti sabbadā.
Mā purāṇaṁ amaññittho,
māsādesi tathāgate;
Saggepi te na rajjanti,
kimaṅgaṁ pana mānuse.
Ye ca kho bālā dummedhā,
dummantī mohapārutā;
Tādisā tattha rajjanti,
mārakhittamhi bandhane.
Yesaṁ rāgo ca doso ca,
avijjā ca virājitā;
Tādī tattha na rajjanti,
chinnasuttā abandhanā”ti.
… Nandako thero ….
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.