Bākulattheragāthā (THAG3.3)

Theragāthā 3.3

Tikanipāta

Paṭhamavagga

Bākulattheragāthā

“Yo pubbe karaṇīyāni,

pacchā so kātumicchati;

Sukhā so dhaṁsate ṭhānā,

pacchā ca manutappati.

Yañhi kayirā tañhi vade,

yaṁ na kayirā na taṁ vade;

Akarontaṁ bhāsamānaṁ,

parijānanti paṇḍitā.

Susukhaṁ vata nibbānaṁ,

sammāsambuddhadesitaṁ;

Asokaṁ virajaṁ khemaṁ,

yattha dukkhaṁ nirujjhatī”ti.

… Bākulo thero ….