Aṅgaṇikabhāradvājattheragāthā (THAG3.1)

Theragāthā 3.1

Tikanipāta

Paṭhamavagga

Aṅgaṇikabhāradvājattheragāthā

“Ayoni suddhimanvesaṁ,

aggiṁ paricariṁ vane;

Suddhimaggaṁ ajānanto,

akāsiṁ amaraṁ tapaṁ.

Taṁ sukhena sukhaṁ laddhaṁ,

passa dhammasudhammataṁ;

Tisso vijjā anuppattā,

kataṁ buddhassa sāsanaṁ.

Brahmabandhu pure āsiṁ,

idāni khomhi brāhmaṇo;

Tevijjo nhātako camhi,

sottiyo camhi vedagū”ti.

… Aṅgaṇikabhāradvājo thero ….