Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Theragāthā
Sirimattheragāthā (THAG2.20)
- Thông tin
- Mã SuttaCentral: THAG2.20
Theragāthā 2.20
Dukanipāta
Dutiyavagga
Sirimattheragāthā
“Pare ca naṁ pasaṁsanti,
attā ce asamāhito;
Moghaṁ pare pasaṁsanti,
attā hi asamāhito.
Pare ca naṁ garahanti,
attā ce susamāhito;
Moghaṁ pare garahanti,
attā hi susamāhito”ti.
… Sirimā thero ….
vaggo dutiyo.
Tassuddānaṁ
Cundo ca jotidāso ca,
thero heraññakāni ca;
Somamitto sabbamitto,
kāḷo tisso ca kimilo;
Nando ca sirimā ceva,
dasa therā mahiddhikāti.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.