Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Therāpadāna
Udumbaraphaladāyakattheraapadāna (THA-AP385)
- Thông tin
- Mã SuttaCentral: THA-AP385
Therāpadāna
Avaṭaphalavagga
Udumbaraphaladāyakattheraapadāna
“Vinatānadiyā tīre,
vihāsi purisuttamo;
Addasaṁ virajaṁ buddhaṁ,
ekaggaṁ susamāhitaṁ.
Tasmiṁ pasannamānaso,
kilesamaladhovane;
Udumbaraphalaṁ gayha,
buddhaseṭṭhassadāsahaṁ.
Ekanavutito kappe,
yaṁ phalamadadiṁ tadā;
Duggatiṁ nābhijānāmi,
phaladānassidaṁ phalaṁ.
Kilesā jhāpitā mayhaṁ,
…pe…
viharāmi anāsavo.
Svāgataṁ vata me āsi,
…pe…
kataṁ buddhassa sāsanaṁ.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā udumbaraphaladāyako thero imā gāthāyo abhāsitthāti.
Udumbaraphaladāyakattherassāpadānaṁ tatiyaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.