Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Therāpadāna
4 Tikiṅkaṇipūjakattheraapadāna (THA-AP346)
- Thông tin
- Mã SuttaCentral: THA-AP346
Therāpadāna
Ekapadumiyavagga
4 Tikiṅkaṇipūjakattheraapadāna
“Himavantassāvidūre,
bhūtagaṇo nāma pabbato;
Tatthaddasaṁ paṁsukūlaṁ,
dumaggamhi vilaggitaṁ.
Tīṇi kiṅkaṇipupphāni,
ocinitvānahaṁ tadā;
Haṭṭho haṭṭhena cittena,
paṁsukūlaṁ apūjayiṁ.
Ekattiṁse ito kappe,
yaṁ kammamakariṁ tadā;
Duggatiṁ nābhijānāmi,
tiṇṇaṁ pupphānidaṁ phalaṁ.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā tikiṅkaṇipūjako thero imā gāthāyo abhāsitthāti.
Tikiṅkaṇipūjakattherassāpadānaṁ catutthaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.