Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Therāpadāna
6 Pādapūjakattheraapadāna (THA-AP298)
- Thông tin
- Mã SuttaCentral: THA-AP298
Therāpadāna
Citakapūjakavagga
6 Pādapūjakattheraapadāna
“Pabbate himavantamhi,
ahosiṁ kinnaro tadā;
Addasaṁ virajaṁ buddhaṁ,
pītaraṁsiṁva bhāṇumaṁ.
Upetaṁ tamahaṁ buddhaṁ,
vipassiṁ lokanāyakaṁ;
Candanaṁ tagarañcāpi,
pāde osiñcahaṁ tadā.
Ekanavutito kappe,
yaṁ pādaṁ abhipūjayiṁ;
Duggatiṁ nābhijānāmi,
pādapūjāyidaṁ phalaṁ.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā pādapūjako thero imā gāthāyo abhāsitthāti.
Pādapūjakattherassāpadānaṁ chaṭṭhaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.