Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Therāpadāna
5 Vedikārakattheraapadāna (THA-AP237)
- Thông tin
- Mã SuttaCentral: THA-AP237
Therāpadāna
Udakāsanavagga
5 Vedikārakattheraapadāna
“Vipassino bhagavato,
bodhiyā pādaputtame;
Pasannacitto sumano,
kāresiṁ vedikaṁ ahaṁ.
Ekanavutito kappe,
kāresiṁ vedikaṁ ahaṁ;
Duggatiṁ nābhijānāmi,
vedikāya idaṁ phalaṁ.
Ito ekādase kappe,
ahosiṁ sūriyassamo;
Sattaratanasampanno,
cakkavattī mahabbalo.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā vedikārako thero imā gāthāyo abhāsitthāti.
Vedikārakattherassāpadānaṁ pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.