Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Therāpadāna
5 Umāpupphiyattheraapadāna (THA-AP147)
- Thông tin
- Mã SuttaCentral: THA-AP147
Therāpadāna
Chattavagga
5 Umāpupphiyattheraapadāna
“Nibbute lokamahite,
āhutīnaṁ paṭiggahe;
Siddhatthamhi bhagavati,
mahāthūpamaho ahu.
Mahe pavattamānamhi,
siddhatthassa mahesino;
Umāpupphaṁ gahetvāna,
thūpamhi abhiropayiṁ.
Catunnavutito kappe,
yaṁ pupphamabhiropayiṁ;
Duggatiṁ nābhijānāmi,
thūpapūjāyidaṁ phalaṁ.
Ito ca navame kappe,
somadevasanāmakā;
Pañcāsītisu rājāno,
cakkavattī mahabbalā.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā umāpupphiyo thero imā gāthāyo abhāsitthāti.
Umāpupphiyattherassāpadānaṁ pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.
