Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Samudayasutta (SN47.42)
- Thông tin
- Mã SuttaCentral: SN47.42
Saṁyutta Nikāya 47.42
5. Amatavagga
Samudayasutta
“Catunnaṁ, bhikkhave, satipaṭṭhānānaṁ samudayañca atthaṅgamañca desessāmi.
Taṁ suṇātha.
Ko ca, bhikkhave, kāyassa samudayo?
Āhārasamudayā kāyassa samudayo;
āhāranirodhā kāyassa atthaṅgamo.
Phassasamudayā vedanānaṁ samudayo;
phassanirodhā vedanānaṁ atthaṅgamo.
Nāmarūpasamudayā cittassa samudayo;
nāmarūpanirodhā cittassa atthaṅgamo.
Manasikārasamudayā dhammānaṁ samudayo;
manasikāranirodhā dhammānaṁ atthaṅgamo”ti.
Dutiyaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.