Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Paṭhamaaññatarabhikkhusutta (SN45.6)
- Thông tin
- Mã SuttaCentral: SN45.6
Saṁyutta Nikāya 45.6
1. Avijjāvagga
Paṭhamaaññatarabhikkhusutta
Sāvatthinidānaṁ.
Atha kho aññataro bhikkhu yena bhagavā tenupasaṅkami …pe… ekamantaṁ nisinno kho so bhikkhu bhagavantaṁ etadavoca:
“‘brahmacariyaṁ, brahmacariyan’ti, bhante, vuccati.
Katamaṁ nu kho, bhante, brahmacariyaṁ, katamaṁ brahmacariyapariyosānan”ti?
“Ayameva kho, bhikkhu, ariyo aṭṭhaṅgiko maggo brahmacariyaṁ, seyyathidaṁ—
sammādiṭṭhi …pe… sammāsamādhi.
Yo kho, bhikkhu, rāgakkhayo dosakkhayo mohakkhayo—
idaṁ brahmacariyapariyosānan”ti.
Chaṭṭhaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.