Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Paṭhamasāmaññasutta (SN45.35)
- Thông tin
- Mã SuttaCentral: SN45.35
Saṁyutta Nikāya 45.35
4. Paṭipattivagga
Paṭhamasāmaññasutta
Sāvatthinidānaṁ.
“Sāmaññañca vo, bhikkhave, desessāmi, sāmaññaphalāni ca.
Taṁ suṇātha.
Katamañca, bhikkhave, sāmaññaṁ?
Ayameva ariyo aṭṭhaṅgiko maggo, seyyathidaṁ—
sammādiṭṭhi …pe… sammāsamādhi.
Idaṁ vuccati, bhikkhave, sāmaññaṁ.
Katamāni ca, bhikkhave, sāmaññaphalāni?
Sotāpattiphalaṁ, sakadāgāmiphalaṁ, anāgāmiphalaṁ, arahattaphalaṁ—
imāni vuccanti, bhikkhave, sāmaññaphalānī”ti.
Pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.