Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Sekkhasutta (SN45.13)
- Thông tin
- Mã SuttaCentral: SN45.13
Saṁyutta Nikāya 45.13
2. Vihāravagga
Sekkhasutta
Sāvatthinidānaṁ.
Atha kho aññataro bhikkhu yena bhagavā tenupasaṅkami …pe… ekamantaṁ nisinno kho so bhikkhu bhagavantaṁ etadavoca:
“‘sekkho, sekkho’ti, bhante, vuccati.
Kittāvatā nu kho, bhante, sekkho hotī”ti?
“Idha, bhikkhu, sekkhāya sammādiṭṭhiyā samannāgato hoti …pe… sekkhena sammāsamādhinā samannāgato hoti.
Ettāvatā kho, bhikkhu, sekkho hotī”ti.
Tatiyaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.