Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Abhibhuyyasutta (SN37.27)
- Thông tin
- Mã SuttaCentral: SN37.27
Saṁyutta Nikāya 37.27
3. Balavagga
Abhibhuyyasutta
“Pañcimāni, bhikkhave, mātugāmassa balāni.
Katamāni pañca?
Rūpabalaṁ, bhogabalaṁ, ñātibalaṁ, puttabalaṁ, sīlabalaṁ—
imāni kho, bhikkhave, pañca mātugāmassa balāni.
Imehi kho, bhikkhave, pañcahi balehi samannāgato mātugāmo sāmikaṁ abhibhuyya vattatī”ti.
Tatiyaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.