Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Dutiyadārukkhandhopamasutta (SN35.242)
- Thông tin
- Mã SuttaCentral: SN35.242
Saṁyutta Nikāya 35.242
19. Āsīvisavagga
Dutiyadārukkhandhopamasutta
Ekaṁ samayaṁ bhagavā kimilāyaṁ viharati gaṅgāya nadiyā tīre.
Addasā kho bhagavā mahantaṁ dārukkhandhaṁ gaṅgāya nadiyā sotena vuyhamānaṁ.
Disvāna bhikkhū āmantesi:
“passatha no tumhe, bhikkhave, amuṁ mahantaṁ dārukkhandhaṁ gaṅgāya nadiyā sotena vuyhamānan”ti?
“Evaṁ, bhante” …pe…
evaṁ vutte, āyasmā kimilo bhagavantaṁ etadavoca:
“kiṁ nu kho, bhante, orimaṁ tīraṁ …pe…
“katamo ca, kimila, antopūtibhāvo.
Idha, kimila, bhikkhu aññataraṁ saṅkiliṭṭhaṁ āpattiṁ āpanno hoti yathārūpāya āpattiyā na vuṭṭhānaṁ paññāyati.
Ayaṁ vuccati, kimila, antopūtibhāvo”ti.
Pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.