Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Bāhiranandikkhayasutta (SN35.157)
- Thông tin
- Mã SuttaCentral: SN35.157
Saṁyutta Nikāya 35.157
16. Nandikkhayavagga
Bāhiranandikkhayasutta
“Anicceyeva, bhikkhave, bhikkhu rūpe aniccāti passati, sāssa hoti sammādiṭṭhi.
Sammā passaṁ nibbindati.
Nandikkhayā rāgakkhayo;
rāgakkhayā nandikkhayo.
Nandirāgakkhayā cittaṁ suvimuttanti vuccati.
Anicceyeva, bhikkhave, bhikkhu sadde …
gandhe …
rase …
phoṭṭhabbe …
dhamme aniccāti passati, sāssa hoti sammādiṭṭhi.
Sammā passaṁ nibbindati.
Nandikkhayā rāgakkhayo;
rāgakkhayā nandikkhayo.
Nandirāgakkhayā cittaṁ suvimuttanti vuccatī”ti.
Dutiyaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.