Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Bāhirāniccātītānāgatasutta (SN35.10)
- Thông tin
- Mã SuttaCentral: SN35.10
Saṁyutta Nikāya 35.10
1. Aniccavagga
Bāhirāniccātītānāgatasutta
“Rūpā, bhikkhave, aniccā atītānāgatā;
ko pana vādo paccuppannānaṁ.
Evaṁ passaṁ, bhikkhave, sutavā ariyasāvako atītesu rūpesu anapekkho hoti;
anāgate rūpe nābhinandati;
paccuppannānaṁ rūpānaṁ nibbidāya virāgāya nirodhāya paṭipanno hoti.
Saddā …
gandhā …
rasā …
phoṭṭhabbā …
dhammā aniccā atītānāgatā;
ko pana vādo paccuppannānaṁ.
Evaṁ passaṁ, bhikkhave, sutavā ariyasāvako atītesu dhammesu anapekkho hoti;
anāgate dhamme nābhinandati;
paccuppannānaṁ dhammānaṁ nibbidāya virāgāya nirodhāya paṭipanno hotī”ti.
Dasamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.