Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Paṇītatarasutta (SN29.2)
- Thông tin
- Mã SuttaCentral: SN29.2
Saṁyutta Nikāya 29.2
1. Nāgavagga
Paṇītatarasutta
Sāvatthinidānaṁ.
“Catasso imā, bhikkhave, nāgayoniyo.
Katamā catasso?
Aṇḍajā nāgā, jalābujā nāgā, saṁsedajā nāgā, opapātikā nāgā.
Tatra, bhikkhave, aṇḍajehi nāgehi jalābujā ca saṁsedajā ca opapātikā ca nāgā paṇītatarā.
Tatra, bhikkhave, aṇḍajehi ca jalābujehi ca nāgehi saṁsedajā ca opapātikā ca nāgā paṇītatarā.
Tatra, bhikkhave, aṇḍajehi ca jalābujehi ca saṁsedajehi ca nāgehi opapātikā nāgā paṇītatarā.
Imā kho, bhikkhave, catasso nāgayoniyo”ti.
Dutiyaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.