Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Cakkhusutta (SN27.1)
- Thông tin
- Mã SuttaCentral: SN27.1
Saṁyutta Nikāya 27.1
1. Kilesavagga
Cakkhusutta
Sāvatthinidānaṁ.
“Yo, bhikkhave, cakkhusmiṁ chandarāgo, cittasseso upakkileso.
Yo sotasmiṁ chandarāgo, cittasseso upakkileso.
Yo ghānasmiṁ chandarāgo, cittasseso upakkileso.
Yo jivhāya chandarāgo, cittasseso upakkileso.
Yo kāyasmiṁ chandarāgo, cittasseso upakkileso.
Yo manasmiṁ chandarāgo, cittasseso upakkileso.
Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṁ hoti.
Nekkhammaparibhāvitaṁ cittaṁ kammaniyaṁ khāyati, abhiññā sacchikaraṇīyesu dhammesū”ti.
Paṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.