Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Dukkhadhammasutta (SN23.16)
- Thông tin
- Mã SuttaCentral: SN23.16
Saṁyutta Nikāya 23.16
2. Dutiyamāravagga
Dukkhadhammasutta
Sāvatthinidānaṁ.
Ekamantaṁ nisinno kho āyasmā rādho bhagavantaṁ etadavoca:
“‘dukkhadhammo, dukkhadhammo’ti, bhante, vuccati.
Katamo nu kho, bhante, dukkhadhammo”ti?
“Rūpaṁ kho, rādha, dukkhadhammo, vedanā dukkhadhammo, saññā dukkhadhammo, saṅkhārā dukkhadhammo, viññāṇaṁ dukkhadhammo.
Evaṁ passaṁ …pe…
nāparaṁ itthattāyāti pajānātī”ti.
Chaṭṭhaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.