Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Aghamūlasutta (SN22.31)
- Thông tin
- Mã SuttaCentral: SN22.31
Saṁyutta Nikāya 22.31
3. Bhāravagga
Aghamūlasutta
Sāvatthinidānaṁ.
“Aghañca, bhikkhave, desessāmi aghamūlañca.
Taṁ suṇātha.
Katamañca, bhikkhave, aghaṁ?
Rūpaṁ, bhikkhave, aghaṁ, vedanā aghaṁ, saññā aghaṁ, saṅkhārā aghaṁ, viññāṇaṁ aghaṁ.
Idaṁ vuccati, bhikkhave, aghaṁ.
Katamañca, bhikkhave, aghamūlaṁ?
Yāyaṁ taṇhā ponobhavikā nandīrāgasahagatā tatratatrābhinandinī;
Seyyathidaṁ—kāmataṇhā, bhavataṇhā, vibhavataṇhā.
Idaṁ vuccati, bhikkhave, aghamūlan”ti.
Dasamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.