Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Phassanānattasutta (SN14.2)
- Thông tin
- Mã SuttaCentral: SN14.2
Saṁyutta Nikāya 14.2
1. Nānattavagga
Phassanānattasutta
Sāvatthiyaṁ viharati.
“Dhātunānattaṁ, bhikkhave, paṭicca uppajjati phassanānattaṁ.
Katamañca, bhikkhave, dhātunānattaṁ?
Cakkhudhātu sotadhātu ghānadhātu jivhādhātu kāyadhātu manodhātu—
idaṁ vuccati, bhikkhave, dhātunānattaṁ.
Kathañca, bhikkhave, dhātunānattaṁ paṭicca uppajjati phassanānattaṁ?
Cakkhudhātuṁ, bhikkhave, paṭicca uppajjati cakkhusamphasso.
Sotadhātuṁ paṭicca …
ghānadhātuṁ paṭicca …
jivhādhātuṁ paṭicca …
kāyadhātuṁ paṭicca …
manodhātuṁ paṭicca uppajjati manosamphasso.
Evaṁ kho, bhikkhave, dhātunānattaṁ paṭicca uppajjati phassanānattan”ti.
Dutiyaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.