Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Pathavīsutta (SN13.5)
- Thông tin
- Mã SuttaCentral: SN13.5
Saṁyutta Nikāya 13.5
1. Abhisamayavagga
Pathavīsutta
Sāvatthiyaṁ viharati.
“Seyyathāpi, bhikkhave, puriso mahāpathaviyā satta kolaṭṭhimattiyo guḷikā upanikkhipeyya.
Taṁ kiṁ maññatha, bhikkhave,
katamaṁ nu kho bahutaraṁ, yā vā satta kolaṭṭhimattiyo guḷikā upanikkhittā yā vā mahāpathavī”ti?
“Etadeva, bhante, bahutaraṁ, yadidaṁ mahāpathavī;
appamattikā satta kolaṭṭhimattiyo guḷikā upanikkhittā.
Neva satimaṁ kalaṁ upenti na sahassimaṁ kalaṁ upenti na satasahassimaṁ kalaṁ upenti mahāpathaviṁ upanidhāya satta kolaṭṭhimattiyo guḷikā upanikkhittā”ti.
“Evameva kho, bhikkhave …pe…
dhammacakkhupaṭilābho”ti.
Pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.