Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Bhītāsutta (SN1.75)
- Thông tin
- Mã SuttaCentral: SN1.75
Saṁyutta Nikāya 1.75
8. Chetvāvagga
Bhītāsutta
“Kiṁsūdha bhītā janatā anekā,
Maggo canekāyatanappavutto;
Pucchāmi taṁ gotama bhūripañña,
Kismiṁ ṭhito paralokaṁ na bhāye”ti.
“Vācaṁ manañca paṇidhāya sammā,
Kāyena pāpāni akubbamāno;
Bahvannapānaṁ gharamāvasanto,
Saddho mudū saṁvibhāgī vadaññū;
Etesu dhammesu ṭhito catūsu,
Dhamme ṭhito paralokaṁ na bhāye”ti.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.