Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Dukkarasutta (SN1.17)
- Thông tin
- Mã SuttaCentral: SN1.17
Saṁyutta Nikāya 1.17
2. Nandanavagga
Dukkarasutta
“Dukkaraṁ duttitikkhañca,
abyattena ca sāmaññaṁ;
Bahūhi tattha sambādhā,
yattha bālo visīdatī”ti.
“Katihaṁ careyya sāmaññaṁ,
cittañce na nivāraye;
Pade pade visīdeyya,
saṅkappānaṁ vasānugoti.
Kummova aṅgāni sake kapāle,
Samodahaṁ bhikkhu manovitakke;
Anissito aññamaheṭhayāno,
Parinibbuto nūpavadeyya kañcī”ti.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.