Tam tạng Pāli · Tam tạng Pāli — nguyên bản Pāli (Mahāsaṅgīti) · Luật tạng › Parivāra
1.3 Vipattivāra (PLI-TV-PVR1.3)
- Thông tin
- Mã SuttaCentral: PLI-TV-PVR1.3
Parivāra
Bhikkhuvibhaṅga
Paṭhamabhāga
1.3 Vipattivāra
Methunaṁ dhammaṁ paṭisevantassa āpattiyo catunnaṁ vipattīnaṁ kati vipattiyo bhajanti?
Methunaṁ dhammaṁ paṭisevantassa āpattiyo catunnaṁ vipattīnaṁ dve vipattiyo bhajanti—
siyā sīlavipattiṁ, siyā ācāravipattiṁ …pe….
Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti catunnaṁ vipattīnaṁ kati vipattiyo bhajati?
Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti catunnaṁ vipattīnaṁ ekaṁ vipattiṁ bhajati—
ācāravipattiṁ.
Vipattivāro niṭṭhito tatiyo.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.