Tam tạng Pāli · Tam tạng Pāli — nguyên bản Pāli (Mahāsaṅgīti) · Luật tạng › Parivāra
1.12 Saṅgahitavāra (PLI-TV-PVR1.12)
- Thông tin
- Mã SuttaCentral: PLI-TV-PVR1.12
Parivāra
Bhikkhuvibhaṅga
Dutiyabhāga
1.12 Saṅgahitavāra
Methunaṁ dhammaṁ paṭisevanapaccayā āpattiyo sattannaṁ āpattikkhandhānaṁ katihi āpattikkhandhehi saṅgahitā?
Methunaṁ dhammaṁ paṭisevanapaccayā āpattiyo sattannaṁ āpattikkhandhānaṁ catūhi āpattikkhandhehi saṅgahitā—
siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena …pe….
Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ āpattikkhandhānaṁ katihi āpattikkhandhehi saṅgahitā?
Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ āpattikkhandhānaṁ ekena āpattikkhandhena saṅgahitā—
dukkaṭāpattikkhandhena.
Saṅgahitavāro niṭṭhito catuttho.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.