Tam tạng Pāli · Tam tạng Pāli — nguyên bản Pāli (Mahāsaṅgīti) · Luật tạng › Mahāvibhaṅga
8. Dutiyaokkhittacakkhusikkhāpada (PLI-TV-BU-VB-SK8)
- Thông tin
- Mã SuttaCentral: PLI-TV-BU-VB-SK8
Theravāda Vinaya
Mahāvibhaṅga
Sekhiyakaṇḍa
Parimaṇḍalavagga
8. Dutiyaokkhittacakkhusikkhāpada
Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
Tena kho pana samayena chabbaggiyā bhikkhū tahaṁ tahaṁ olokentā antaraghare nisīdanti …pe….
“Okkhittacakkhu antaraghare nisīdissāmīti sikkhā karaṇīyā”ti.
Okkhittacakkhunā antaraghare nisīditabbaṁ yugamattaṁ pekkhantena.
Yo anādariyaṁ paṭicca tahaṁ tahaṁ olokento antaraghare nisīdati, āpatti dukkaṭassa.
Anāpatti—
asañcicca,
assatiyā,
ajānantassa,
gilānassa,
āpadāsu,
ummattakassa,
ādikammikassāti.
Aṭṭhamasikkhāpadaṁ niṭṭhitaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.