Tam tạng Pāli · Tam tạng Pāli — nguyên bản Pāli (Mahāsaṅgīti) · Luật tạng › Mahāvibhaṅga
16. Dutiyakāyappacālakasikkhāpada (PLI-TV-BU-VB-SK16)
- Thông tin
- Mã SuttaCentral: PLI-TV-BU-VB-SK16
Theravāda Vinaya
Mahāvibhaṅga
Sekhiyakaṇḍa
Ujjagghikavagga
16. Dutiyakāyappacālakasikkhāpada
Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
Tena kho pana samayena chabbaggiyā bhikkhū kāyappacālakaṁ antaraghare nisīdanti, kāyaṁ olambentā …pe….
“Na kāyappacālakaṁ antaraghare nisīdissāmīti sikkhā karaṇīyā”ti.
Na kāyappacālakaṁ antaraghare nisīditabbaṁ.
Kāyaṁ paggahetvā nisīditabbaṁ.
Yo anādariyaṁ paṭicca kāyappacālakaṁ antaraghare nisīdati kāyaṁ olambento, āpatti dukkaṭassa.
Anāpatti—
asañcicca,
assatiyā,
ajānantassa,
gilānassa,
vāsūpagatassa,
āpadāsu,
ummattakassa,
ādikammikassāti.
Chaṭṭhasikkhāpadaṁ niṭṭhitaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.