Tam tạng Pāli · Tam tạng Pāli — nguyên bản Pāli (Mahāsaṅgīti) · Luận tạng › Paṭṭhāna
24.2. Hetuduka, Hetusampayuttadukādi (PATTHANA24.2)
- Thông tin
- Mã SuttaCentral: PATTHANA24.2
Paṭṭhānapakaraṇa
Dhammapaccanīyānuloma (4), Dukadukapaṭṭhānapāḷi (6)
24.2. Hetuduka, Hetusampayuttadukādi
Nahetuṁ nahetusampayuttaṁ dhammaṁ paṭicca hetu hetusampayutto dhammo uppajjati hetupaccayā. (Saṅkhittaṁ.) Hetuyā cattāri …pe… purejāte āsevane tīṇi …pe… vipāke tīṇi …pe… avigate cattāri.
Nahetuṁ nahetuvippayuttaṁ dhammaṁ paṭicca nahetu hetuvippayutto dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… sahajāte pañca, aññamaññe cattāri …pe… vipāke tīṇi …pe… avigate pañca.
Nahetuṁ nahetuñceva naahetukañca dhammaṁ paṭicca hetu hetu ceva sahetuko ca dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Nanahetuṁ naahetukañceva nanahetuñca dhammaṁ paṭicca nahetu sahetuko ceva na ca hetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Nahetuṁ nahetuñceva nahetuvippayuttañca dhammaṁ paṭicca hetu hetu ceva hetusampayutto ca dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Nanahetuṁ nahetuvippayuttañceva nanahetuñca dhammaṁ paṭicca nahetu hetusampayutto ceva na ca hetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Nahetuṁ nahetuṁ nasahetukaṁ dhammaṁ paṭicca nahetu nahetu sahetuko dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Nahetuṁ nahetuṁ naahetukaṁ dhammaṁ paṭicca nahetu nahetu ahetuko dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.