2.10. Mahantaraduka (PATTHANA2.10)

Saṅkhyāvāra

Suddha

Hetuyā tīṇi, ārammaṇe nava, adhipatiyā nava, anantare nava, samanantare nava, sahajāte pañca, aññamaññe pañca, nissaye pañca, upanissaye nava, purejāte tīṇi, pacchājāte tīṇi, āsevane nava, kamme tīṇi, vipāke pañca, āhāre pañca, indriye pañca, jhāne tīṇi, magge tīṇi, sampayutte pañca, vippayutte pañca, atthiyā pañca, natthiyā nava, vigate nava, avigate pañca.

Paccanīyuddhāra

Citto dhammo cittassa dhammassa ārammaṇapaccayena paccayo … upanissayapaccayena paccayo.

Citto dhammo nocittassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … pacchājātapaccayena paccayo.

Citto dhammo cittassa ca nocittassa ca dhammassa ārammaṇapaccayena paccayo … upanissayapaccayena paccayo.

Nocitto dhammo nocittassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … kammapaccayena paccayo … āhārapaccayena paccayo … indriyapaccayena paccayo.

Nocitto dhammo cittassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … kammapaccayena paccayo.

Nocitto dhammo cittassa ca nocittassa ca dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … kammapaccayena paccayo.

Citto ca nocitto ca dhammā cittassa dhammassa ārammaṇapaccayena paccayo … upanissayapaccayena paccayo.

Citto ca nocitto ca dhammā nocittassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … pacchājātapaccayena paccayo.

Citto ca nocitto ca dhammā cittassa ca nocittassa ca dhammassa ārammaṇapaccayena paccayo … upanissayapaccayena paccayo.

2.10.2.7.2. Paccayapaccanīya

Saṅkhyāvāra

Suddha

Nahetuyā nava, naārammaṇe nava (sabbattha nava), noavigate nava.

2.10.2.7.3. Paccayānulomapaccanīya

Hetupaccayā naārammaṇe tīṇi …pe… nasamanantare tīṇi, naaññamaññe ekaṁ, naupanissaye tīṇi (sabbattha tīṇi), namagge tīṇi, nasampayutte ekaṁ, navippayutte tīṇi, nonatthiyā tīṇi, novigate tīṇi.

2.10.2.7.4. Paccayapaccanīyānuloma

Nahetupaccayā ārammaṇe nava, adhipatiyā nava. (Anulomamātikā kātabbā.)

Cittadukaṁ niṭṭhitaṁ.

2.10.3. Cetasikaduka

2.10.3.1. Paṭiccavāra

2.10.3.1.1. Paccayānuloma

Vibhaṅgavāra

Hetu

Cetasikaṁ dhammaṁ paṭicca cetasiko dhammo uppajjati hetupaccayā—cetasikaṁ ekaṁ khandhaṁ paṭicca dve khandhā, dve khandhe paṭicca eko khandho; paṭisandhikkhaṇe …pe….

Cetasikaṁ dhammaṁ paṭicca acetasiko dhammo uppajjati hetupaccayā—cetasike khandhe paṭicca cittañca cittasamuṭṭhānañca rūpaṁ; paṭisandhikkhaṇe cetasike khandhe paṭicca cittañca kaṭattā ca rūpaṁ.

Cetasikaṁ dhammaṁ paṭicca cetasiko ca acetasiko ca dhammā uppajjanti hetupaccayā—cetasikaṁ ekaṁ khandhaṁ paṭicca dve khandhā cittañca cittasamuṭṭhānañca rūpaṁ, dve khandhe …pe… paṭisandhikkhaṇe …pe….

Acetasikaṁ dhammaṁ paṭicca acetasiko dhammo uppajjati hetupaccayā—cittaṁ paṭicca cittasamuṭṭhānaṁ rūpaṁ; paṭisandhikkhaṇe cittaṁ paṭicca kaṭattārūpaṁ, cittaṁ paṭicca vatthu, vatthuṁ paṭicca cittaṁ, ekaṁ mahābhūtaṁ …pe… mahābhūte paṭicca cittasamuṭṭhānaṁ rūpaṁ kaṭattārūpaṁ upādārūpaṁ.

Acetasikaṁ dhammaṁ paṭicca cetasiko dhammo uppajjati hetupaccayā—cittaṁ paṭicca sampayuttakā khandhā; paṭisandhikkhaṇe cittaṁ …pe… paṭisandhikkhaṇe vatthuṁ paṭicca cetasikā khandhā.

Acetasikaṁ dhammaṁ paṭicca cetasiko ca acetasiko ca dhammā uppajjanti hetupaccayā—cittaṁ paṭicca sampayuttakā khandhā cittasamuṭṭhānañca rūpaṁ; paṭisandhikkhaṇe cittaṁ …pe… paṭisandhikkhaṇe vatthuṁ paṭicca cittañca sampayuttakā ca khandhā.

Cetasikañca acetasikañca dhammaṁ paṭicca cetasiko dhammo uppajjati hetupaccayā—cetasikaṁ ekaṁ khandhañca cittañca paṭicca dve khandhā, dve khandhe ca …pe… paṭisandhikkhaṇe cetasikaṁ ekaṁ khandhañca cittañca paṭicca dve khandhā, dve khandhe ca …pe… paṭisandhikkhaṇe cetasikaṁ ekaṁ khandhañca vatthuñca paṭicca dve khandhā, dve khandhe ca …pe….

Cetasikañca acetasikañca dhammaṁ paṭicca acetasiko dhammo uppajjati hetupaccayā—cetasike khandhe ca cittañca paṭicca cittasamuṭṭhānaṁ rūpaṁ, cetasike khandhe ca mahābhūte ca paṭicca cittasamuṭṭhānaṁ rūpaṁ; paṭisandhikkhaṇe cetasike khandhe ca cittañca paṭicca kaṭattārūpaṁ, paṭisandhikkhaṇe cetasike khandhe ca mahābhūte ca paṭicca kaṭattārūpaṁ, paṭisandhikkhaṇe cetasike khandhe ca vatthuñca paṭicca cittaṁ.

Cetasikañca acetasikañca dhammaṁ paṭicca cetasiko ca acetasiko ca dhammā uppajjanti hetupaccayā—cetasikaṁ ekaṁ khandhañca cittañca paṭicca dve khandhā cittasamuṭṭhānañca rūpaṁ, dve khandhe ca …pe… paṭisandhikkhaṇe cetasikaṁ ekaṁ khandhañca cittañca paṭicca dve khandhā kaṭattā ca rūpaṁ, dve khandhe ca …pe… paṭisandhikkhaṇe cetasikaṁ ekaṁ khandhañca vatthuñca paṭicca dve khandhā cittañca, dve khandhe ca vatthuñca paṭicca eko khandho cittañca.

Ārammaṇa

Cetasikaṁ dhammaṁ paṭicca cetasiko dhammo uppajjati ārammaṇapaccayā—cetasikaṁ ekaṁ khandhaṁ paṭicca dve khandhā, dve khandhe …pe… paṭisandhikkhaṇe …pe….

Cetasikaṁ dhammaṁ paṭicca acetasiko dhammo uppajjati ārammaṇapaccayā—cetasike khandhe paṭicca cittaṁ; paṭisandhikkhaṇe …pe….

Cetasikaṁ dhammaṁ paṭicca cetasiko ca acetasiko ca dhammā uppajjanti ārammaṇapaccayā—cetasikaṁ ekaṁ khandhaṁ paṭicca dve khandhā cittañca, dve khandhe …pe… paṭisandhikkhaṇe …pe….

Acetasikaṁ dhammaṁ paṭicca acetasiko dhammo uppajjati ārammaṇapaccayā— paṭisandhikkhaṇe vatthuṁ paṭicca cittaṁ.

Acetasikaṁ dhammaṁ paṭicca cetasiko dhammo uppajjati ārammaṇapaccayā—cittaṁ paṭicca sampayuttakā khandhā; paṭisandhikkhaṇe cittaṁ paṭicca sampayuttakā khandhā, paṭisandhikkhaṇe vatthuṁ paṭicca cetasikā khandhā.

Acetasikaṁ dhammaṁ paṭicca cetasiko ca acetasiko ca dhammā uppajjanti ārammaṇapaccayā—paṭisandhikkhaṇe vatthuṁ paṭicca cittañca sampayuttakā ca khandhā.

Cetasikañca acetasikañca dhammaṁ paṭicca cetasiko dhammo uppajjati ārammaṇapaccayā—cetasikaṁ ekaṁ khandhañca cittañca paṭicca dve khandhā, dve khandhe ca …pe… paṭisandhikkhaṇe cetasikaṁ ekaṁ khandhañca cittañca paṭicca dve khandhā, dve khandhe ca …pe… paṭisandhikkhaṇe cetasikaṁ ekaṁ khandhañca vatthuñca paṭicca dve khandhā, dve khandhe ca …pe….

Cetasikañca acetasikañca dhammaṁ paṭicca acetasiko dhammo uppajjati ārammaṇapaccayā—paṭisandhikkhaṇe cetasike khandhe ca vatthuñca paṭicca cittaṁ.

Cetasikañca acetasikañca dhammaṁ paṭicca cetasiko ca acetasiko ca dhammā uppajjanti ārammaṇapaccayā—paṭisandhikkhaṇe cetasikaṁ ekaṁ khandhañca vatthuñca paṭicca dve khandhā cittañca, dve khandhe ca …pe….

Adhipati

Cetasikaṁ dhammaṁ paṭicca cetasiko dhammo uppajjati adhipatipaccayā. (Saṅkhittaṁ.)

Saṅkhyāvāra

Suddha

Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte pañca, āsevane pañca, kamme nava (sabbattha nava), avigate nava.

2.10.3.1.2. Paccayapaccanīya

Vibhaṅgavāra

Nahetu

Cetasikaṁ dhammaṁ paṭicca cetasiko dhammo uppajjati nahetupaccayā—ahetukaṁ cetasikaṁ ekaṁ khandhaṁ paṭicca dve khandhā, dve khandhe …pe… ahetukapaṭisandhikkhaṇe …pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.

Cetasikaṁ dhammaṁ paṭicca acetasiko dhammo uppajjati nahetupaccayā—ahetuke cetasike khandhe paṭicca cittañca cittasamuṭṭhānañca rūpaṁ; ahetukapaṭisandhikkhaṇe …pe….

Cetasikaṁ dhammaṁ paṭicca cetasiko ca acetasiko ca dhammā uppajjanti nahetupaccayā—ahetukaṁ cetasikaṁ ekaṁ khandhaṁ paṭicca dve khandhā cittañca cittasamuṭṭhānañca rūpaṁ, dve khandhe …pe… ahetukapaṭisandhikkhaṇe …pe….

Acetasikaṁ dhammaṁ paṭicca acetasiko dhammo uppajjati nahetupaccayā—ahetukaṁ cittaṁ paṭicca cittasamuṭṭhānaṁ rūpaṁ; ahetukapaṭisandhikkhaṇe cittaṁ paṭicca kaṭattārūpaṁ, cittaṁ paṭicca vatthu, vatthuṁ paṭicca cittaṁ, ekaṁ mahābhūtaṁ …pe… asaññasattānaṁ ekaṁ mahābhūtaṁ …pe….

Acetasikaṁ dhammaṁ paṭicca cetasiko dhammo uppajjati nahetupaccayā—ahetukaṁ cittaṁ paṭicca sampayuttakā khandhā; ahetukapaṭisandhikkhaṇe cittaṁ paṭicca sampayuttakā khandhā, ahetukapaṭisandhikkhaṇe vatthuṁ paṭicca cetasikā khandhā, vicikicchāsahagataṁ uddhaccasahagataṁ cittaṁ paṭicca vicikicchāsahagato uddhaccasahagato moho.

Acetasikaṁ dhammaṁ paṭicca cetasiko ca acetasiko ca dhammā uppajjanti nahetupaccayā—ahetukaṁ cittaṁ paṭicca sampayuttakā khandhā cittasamuṭṭhānañca rūpaṁ; ahetukapaṭisandhikkhaṇe cittaṁ paṭicca sampayuttakā khandhā kaṭattā ca rūpaṁ, ahetukapaṭisandhikkhaṇe vatthuṁ paṭicca cittañca sampayuttakā ca khandhā.

Cetasikañca acetasikañca dhammaṁ paṭicca cetasiko dhammo uppajjati nahetupaccayā—ahetukaṁ cetasikaṁ ekaṁ khandhañca cittañca paṭicca dve khandhā, dve khandhe ca …pe… ahetukapaṭisandhikkhaṇe cetasikaṁ ekaṁ khandhañca cittañca paṭicca dve khandhā, dve khandhe ca …pe… ahetukapaṭisandhikkhaṇe cetasikaṁ ekaṁ khandhañca vatthuñca paṭicca dve khandhā, dve khandhe ca …pe… vicikicchāsahagate uddhaccasahagate khandhe ca cittañca paṭicca vicikicchāsahagato uddhaccasahagato moho.

Cetasikañca acetasikañca dhammaṁ paṭicca acetasiko dhammo uppajjati nahetupaccayā—ahetuke cetasike khandhe ca cittañca paṭicca cittasamuṭṭhānaṁ rūpaṁ, ahetuke cetasike khandhe ca mahābhūte ca paṭicca cittasamuṭṭhānaṁ rūpaṁ; ahetukapaṭisandhikkhaṇe cetasike khandhe ca cittañca paṭicca kaṭattārūpaṁ, ahetukapaṭisandhikkhaṇe cetasike khandhe ca mahābhūte ca paṭicca kaṭattārūpaṁ, ahetukapaṭisandhikkhaṇe cetasike khandhe ca vatthuñca paṭicca cittaṁ.

Cetasikañca acetasikañca dhammaṁ paṭicca cetasiko ca acetasiko ca dhammā uppajjanti nahetupaccayā—ahetukaṁ cetasikaṁ ekaṁ khandhañca cittañca paṭicca dve khandhā cittasamuṭṭhānañca rūpaṁ; ahetukapaṭisandhikkhaṇe cetasikaṁ ekaṁ khandhañca cittañca paṭicca dve khandhā kaṭattā ca rūpaṁ, ahetukapaṭisandhikkhaṇe cetasikaṁ ekaṁ khandhañca vatthuñca paṭicca dve khandhā cittañca, dve khandhe ca …pe….

Naārammaṇa

Cetasikaṁ dhammaṁ paṭicca acetasiko dhammo uppajjati naārammaṇapaccayā— cetasike khandhe paṭicca cittasamuṭṭhānaṁ rūpaṁ; paṭisandhikkhaṇe …pe….

Acetasikaṁ dhammaṁ paṭicca acetasiko dhammo uppajjati naārammaṇapaccayā— cittaṁ paṭicca cittasamuṭṭhānaṁ rūpaṁ; paṭisandhikkhaṇe …pe…. (Yāva asaññasattā.)

Cetasikañca acetasikañca dhammaṁ paṭicca acetasiko dhammo uppajjati naārammaṇapaccayā—cetasike khandhe ca cittañca paṭicca cittasamuṭṭhānaṁ rūpaṁ, cetasike khandhe ca mahābhūte ca paṭicca cittasamuṭṭhānaṁ rūpaṁ. (Paṭisandhikkhaṇe dvepi kātabbā, saṅkhittaṁ.)

Saṅkhyāvāra

Suddha

Nahetuyā nava, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme cattāri, navipāke nava, naāhāre ekaṁ, naindriye ekaṁ, najhāne cha, namagge nava, nasampayutte tīṇi, navippayutte cha, nonatthiyā tīṇi, novigate tīṇi.

2.10.3.1.3. Paccayānulomapaccanīya

Hetupaccayā naārammaṇe tīṇi, naadhipatiyā nava. (Saṅkhittaṁ.)

2.10.3.1.4. Paccayapaccanīyānuloma

Nahetupaccayā ārammaṇe nava, anantare nava …pe… purejāte pañca, āsevane pañca, kamme nava (sabbattha nava), magge tīṇi …pe… avigate nava.

2.10.3.2. Sahajātavāra

Sahajātavāropi paṭiccavārasadiso.

2.10.3.3. Paccayavāra

2.10.3.3.1. Paccayānuloma

Vibhaṅgavāra

Hetu

Cetasikaṁ dhammaṁ paccayā cetasiko dhammo uppajjati hetupaccayā … tīṇi. (Paṭiccasadisā.)

Acetasikaṁ dhammaṁ paccayā acetasiko dhammo uppajjati hetupaccayā—cittaṁ paccayā cittasamuṭṭhānaṁ rūpaṁ, vatthuṁ paccayā cittaṁ; paṭisandhikkhaṇe cittaṁ paccayā kaṭattārūpaṁ, cittaṁ paccayā vatthu, vatthuṁ paccayā cittaṁ, ekaṁ mahābhūtaṁ …pe….

Acetasikaṁ dhammaṁ paccayā cetasiko dhammo uppajjati hetupaccayā—cittaṁ paccayā sampayuttakā khandhā, vatthuṁ paccayā cetasikā khandhā. (Paṭisandhikkhaṇe dvepi kātabbā.)

Acetasikaṁ dhammaṁ paccayā cetasiko ca acetasiko ca dhammā uppajjanti hetupaccayā—cittaṁ paccayā sampayuttakā khandhā cittasamuṭṭhānañca rūpaṁ, vatthuṁ paccayā cittañca sampayuttakā ca khandhā. (Paṭisandhikkhaṇe dvepi kātabbā.)

Cetasikañca acetasikañca dhammaṁ paccayā cetasiko dhammo uppajjati hetupaccayā—cetasikaṁ ekaṁ khandhañca cittañca paccayā dve khandhā, dve khandhe ca …pe… cetasikaṁ ekaṁ khandhañca vatthuñca paccayā dve khandhā, dve khandhe ca …pe…. (Paṭisandhikkhaṇe dvepi kātabbā.)

Cetasikañca acetasikañca dhammaṁ paccayā acetasiko dhammo uppajjati hetupaccayā—cetasike khandhe ca cittañca paccayā cittasamuṭṭhānaṁ rūpaṁ, cetasike khandhe ca mahābhūte ca paccayā cittasamuṭṭhānaṁ rūpaṁ, cetasike khandhe ca vatthuñca paccayā cittaṁ. (Paṭisandhikkhaṇe tīṇipi kātabbā.)

Cetasikañca acetasikañca dhammaṁ paccayā cetasiko ca acetasiko ca dhammā uppajjanti hetupaccayā—cetasikaṁ ekaṁ khandhañca cittañca paccayā dve khandhā cittasamuṭṭhānañca rūpaṁ, dve khandhe ca …pe… cetasikaṁ ekaṁ khandhañca vatthuñca paccayā dve khandhā cittañca, dve khandhe ca …pe…. (Paṭisandhikkhaṇe dvepi kātabbā.)

Ārammaṇa

Cetasikaṁ dhammaṁ paccayā cetasiko dhammo uppajjati ārammaṇapaccayā … tīṇi. (Paṭiccasadisā.)

Acetasikaṁ dhammaṁ paccayā acetasiko dhammo uppajjati ārammaṇapaccayā— cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ, vatthuṁ paccayā cittaṁ; paṭisandhikkhaṇe …pe….

Acetasikaṁ dhammaṁ paccayā cetasiko dhammo uppajjati ārammaṇapaccayā— cakkhāyatanaṁ paccayā cakkhuviññāṇasahagatā khandhā …pe… kāyāyatanaṁ paccayā …pe… cittaṁ paccayā sampayuttakā khandhā, vatthuṁ paccayā cetasikā khandhā. (Paṭisandhikkhaṇe dvepi kātabbā.)

Acetasikaṁ dhammaṁ paccayā cetasiko ca acetasiko ca dhammā uppajjanti ārammaṇapaccayā—cakkhāyatanaṁ paccayā cakkhuviññāṇaṁ sampayuttakā ca khandhā …pe… kāyāyatanaṁ paccayā …pe… vatthuṁ paccayā cittaṁ sampayuttakā ca khandhā. (Paṭisandhikkhaṇe ekaṁ.)

Cetasikañca acetasikañca dhammaṁ paccayā cetasiko dhammo uppajjati ārammaṇapaccayā—cakkhuviññāṇasahagataṁ ekaṁ khandhañca cakkhuviññāṇañca paccayā dve khandhā, dve khandhe ca …pe… cakkhuviññāṇasahagataṁ ekaṁ khandhañca cakkhāyatanañca paccayā dve khandhā, dve khandhe ca …pe… kāyaviññāṇasahagataṁ …pe… cetasikaṁ ekaṁ khandhañca cittañca paccayā dve khandhā, dve khandhe ca …pe… cetasikaṁ ekaṁ khandhañca vatthuñca paccayā dve khandhā, dve khandhe ca …pe…. (Paṭisandhikkhaṇe dve.)

Cetasikañca acetasikañca dhammaṁ paccayā acetasiko dhammo uppajjati ārammaṇapaccayā—cakkhuviññāṇasahagate khandhe ca cakkhāyatanañca paccayā cakkhuviññāṇaṁ …pe… kāyaviññāṇasahagate …pe… cetasike khandhe ca vatthuñca paccayā cittaṁ. (Paṭisandhikkhaṇe ekaṁ.)

Cetasikañca acetasikañca dhammaṁ paccayā cetasiko ca acetasiko ca dhammā uppajjanti ārammaṇapaccayā—cakkhuviññāṇasahagataṁ ekaṁ khandhañca cakkhāyatanañca paccayā dve khandhā cakkhuviññāṇañca, dve khandhe ca …pe… cetasikaṁ ekaṁ khandhañca vatthuñca paccayā dve khandhā cittañca, dve khandhe ca …pe…. (Paṭisandhikkhaṇe ekaṁ, saṅkhittaṁ.)

Saṅkhyāvāra

Suddha

Hetuyā nava, ārammaṇe nava, adhipatiyā nava (sabbattha nava), purejāte nava, āsevane nava …pe… avigate nava.

2.10.3.3.2. Paccayapaccanīya

Vibhaṅgavāra

Nahetu

Cetasikaṁ dhammaṁ paccayā cetasiko dhammo uppajjati nahetupaccayā—ahetukaṁ cetasikaṁ. (Saṅkhittaṁ.)

(Nava pañhā pañcaviññāṇampi yathā ārammaṇapaccayā evaṁ kātabbaṁ, tīsuyeva moho. Sabbe pañhā pavattipaṭisandhiyā kātabbā asammohantena.)

Saṅkhyāvāra

Suddha

Nahetuyā nava, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme cattāri, navipāke nava, naāhāre ekaṁ, naindriye ekaṁ, najhāne nava, namagge nava, nasampayutte tīṇi, navippayutte cha, nonatthiyā tīṇi, novigate tīṇi.

2.10.3.3.3. Paccayānulomapaccanīya

Hetupaccayā naārammaṇe tīṇi, naadhipatiyā nava. (Saṅkhittaṁ.)

2.10.3.3.4. Paccayapaccanīyānuloma

Nahetupaccayā ārammaṇe nava, anantare nava (sabbattha nava), magge tīṇi …pe… avigate nava.

10.3.4 Nissayavāra

Mahantaraduka

Cetasikaduka

Nissayavāra

(Nissayavāro paccayavārasadiso.)

Mahantaraduka

Cetasikaduka

Saṁsaṭṭhavāra

Paccayānuloma

Vibhaṅgavāra

Hetu

Cetasikaṁ dhammaṁ saṁsaṭṭho cetasiko dhammo uppajjati hetupaccayā— cetasikaṁ ekaṁ khandhaṁ saṁsaṭṭhā dve khandhā, dve khandhe …pe… paṭisandhikkhaṇe …pe… .

Cetasikaṁ dhammaṁ saṁsaṭṭho acetasiko dhammo uppajjati hetupaccayā— cetasiko khandhe saṁsaṭṭhaṁ cittaṁ; paṭisandhikkhaṇe …pe… .

Cetasikaṁ dhammaṁ saṁsaṭṭho cetasiko ca acetasiko ca dhammā uppajjanti hetupaccayā— cetasikaṁ ekaṁ khandhaṁ saṁsaṭṭhā dve khandhā cittañca, dve khandhe …pe… paṭisandhikkhaṇe …pe… .

Acetasikaṁ dhammaṁ saṁsaṭṭho cetasiko dhammo uppajjati hetupaccayā— cittaṁ saṁsaṭṭhā sampayuttakā khandhā; paṭisandhikkhaṇe …pe… .

Cetasikañca acetasikañca dhammaṁ saṁsaṭṭho cetasiko dhammo uppajjati hetupaccayā— cetasikaṁ ekaṁ khandhañca cittañca saṁsaṭṭhā dve khandhā, dve khandhe ca …pe… paṭisandhikkhaṇe …pe… . (Saṅkhittaṁ.)

Mahantaraduka

Cetasikaduka

Saṁsaṭṭhavāra

Paccayānuloma

Saṅkhyāvāra

Suddha

Hetuyā pañca, ārammaṇe pañca, adhipatiyā pañca (sabbattha pañca), avigate pañca.

10.3.5.2.1 Vibhaṅgavāra

Mahantaraduka

Cetasikaduka

Saṁsaṭṭhavāra

Paccayapaccanīya

Cetasikaṁ dhammaṁ saṁsaṭṭho cetasiko dhammo uppajjati nahetupaccayā. (Evaṁ pañcapi pañhā kātabbā, tīṇiyeva moho. Saṅkhittaṁ.)

Saṅkhyāvāra

Suddha

Nahetuyā pañca, naadhipatiyā pañca, napurejāte pañca, napacchājāte pañca, naāsevane pañca, nakamme tīṇi, navipāke pañca, najhāne pañca, namagge pañca, navippayutte pañca.

2.10.3.6. Sampayuttavāra

Evaṁ itare dve gaṇanāpi sampayuttavāropi kātabbo.

2.10.3.7. Pañhāvāra

2.10.3.7.1. Paccayānuloma

Vibhaṅgavāra

Hetu

Cetasiko dhammo cetasikassa dhammassa hetupaccayena paccayo—cetasikā hetū sampayuttakānaṁ khandhānaṁ hetupaccayena paccayo; paṭisandhikkhaṇe …pe….

Cetasiko dhammo acetasikassa dhammassa hetupaccayena paccayo—cetasikā hetū cittassa cittasamuṭṭhānānañca rūpānaṁ hetupaccayena paccayo; paṭisandhikkhaṇe …pe….

Cetasiko dhammo cetasikassa ca acetasikassa ca dhammassa hetupaccayena paccayo—cetasikā hetū sampayuttakānaṁ khandhānaṁ cittassa ca cittasamuṭṭhānānañca rūpānaṁ hetupaccayena paccayo; paṭisandhikkhaṇe …pe….

Ārammaṇa

Cetasiko dhammo cetasikassa dhammassa ārammaṇapaccayena paccayo—cetasike khandhe ārabbha cetasikā khandhā uppajjanti. (Mūlaṁ pucchitabbaṁ.) Cetasike khandhe ārabbha cittaṁ uppajjati. (Mūlaṁ pucchitabbaṁ.) Cetasike khandhe ārabbha cetasikā khandhā ca cittañca uppajjanti.

Acetasiko dhammo acetasikassa dhammassa ārammaṇapaccayena paccayo—ariyā maggā vuṭṭhahitvā …pe… phalaṁ paccavekkhanti, nibbānaṁ paccavekkhanti. Nibbānaṁ gotrabhussa, vodānassa, maggassa, phalassa, āvajjanāya ārammaṇapaccayena paccayo; cakkhuṁ …pe… vatthuṁ acetasike khandhe aniccato …pe… vipassati assādeti abhinandati, taṁ ārabbha cittaṁ uppajjati. Dibbena cakkhunā rūpaṁ passati, dibbāya sotadhātuyā saddaṁ suṇāti. Cetopariyañāṇena acetasikacittasamaṅgissa cittaṁ jānāti, ākāsānañcāyatanaṁ …pe… ākiñcaññāyatanaṁ …pe… rūpāyatanaṁ cakkhuviññāṇassa …pe… phoṭṭhabbāyatanaṁ kāyaviññāṇassa …pe… acetasikā khandhā iddhividhañāṇassa, cetopariyañāṇassa, pubbenivāsānussatiñāṇassa, anāgataṁsañāṇassa, āvajjanāya ārammaṇapaccayena paccayo.

Acetasiko dhammo cetasikassa dhammassa ārammaṇapaccayena paccayo—ariyā maggā vuṭṭhahitvā …pe… nibbānaṁ paccavekkhanti (paṭhamagamanasadisaṁ); cakkhuṁ …pe… vatthuṁ acetasike khandhe aniccato …pe… domanassaṁ uppajjati; dibbena cakkhunā rūpaṁ passati, dibbāya sotadhātuyā saddaṁ suṇāti. Cetopariyañāṇena acetasikacittasamaṅgissa cittaṁ jānāti, ākāsānañcāyatanaṁ …pe… ākiñcaññāyatanaṁ nevasaññānāsaññāyatanassa …pe… rūpāyatanaṁ cakkhuviññāṇasahagatānaṁ khandhānaṁ …pe… phoṭṭhabbāyatanaṁ kāyaviññāṇasahagatānaṁ khandhānaṁ …pe… acetasikā khandhā iddhividhañāṇassa, cetopariyañāṇassa, pubbenivāsānussatiñāṇassa, anāgataṁsañāṇassa, āvajjanāya ārammaṇapaccayena paccayo.

Acetasiko dhammo cetasikassa ca acetasikassa ca dhammassa ārammaṇapaccayena paccayo—ariyā maggā vuṭṭhahitvā …pe… nibbānaṁ paccavekkhanti (paṭhamagamanasadisaṁ); cakkhuṁ …pe… vatthuṁ acetasike khandhe aniccato …pe… vipassati assādeti abhinandati, taṁ ārabbha cittañca sampayuttakā ca khandhā uppajjanti. Dibbena cakkhunā rūpaṁ passati …pe… rūpāyatanaṁ cakkhuviññāṇassa sampayuttakānañca khandhānaṁ ārammaṇapaccayena paccayo …pe… phoṭṭhabbāyatanaṁ kāyaviññāṇassa sampayuttakānañca khandhānaṁ …pe… acetasikā khandhā iddhividhañāṇassa, cetopariyañāṇassa, pubbenivāsānussatiñāṇassa, anāgataṁsañāṇassa, āvajjanāya ārammaṇapaccayena paccayo.

Cetasiko ca acetasiko ca dhammā cetasikassa dhammassa ārammaṇapaccayena paccayo—cetasike khandhe ca cittañca ārabbha cetasikā khandhā uppajjanti. (Mūlaṁ pucchitabbaṁ.) Cetasike khandhe ca cittañca ārabbha cittaṁ uppajjati. (Mūlaṁ pucchitabbaṁ.) Cetasike khandhe ca cittañca ārabbha cetasikā khandhā ca cittañca uppajjanti.

Adhipati

Cetasiko dhammo cetasikassa dhammassa adhipatipaccayena paccayo— ārammaṇādhipati, sahajātādhipati. Ārammaṇādhipati—cetasike khandhe garuṁ katvā cetasikā khandhā uppajjanti. Sahajātādhipati—cetasikādhipati sampayuttakānaṁ khandhānaṁ adhipatipaccayena paccayo. (Mūlaṁ pucchitabbaṁ.) Ārammaṇādhipati—cetasike khandhe garuṁ katvā cittaṁ uppajjati. Sahajātādhipati—cetasikādhipati cittassa cittasamuṭṭhānānañca rūpānaṁ adhipatipaccayena paccayo. (Mūlaṁ pucchitabbaṁ.) Ārammaṇādhipati—cetasike khandhe garuṁ katvā cetasikā khandhā ca cittañca uppajjanti. Sahajātādhipati—cetasikādhipati sampayuttakānaṁ khandhānaṁ cittassa ca cittasamuṭṭhānānañca rūpānaṁ adhipatipaccayena paccayo.

Acetasiko dhammo acetasikassa dhammassa adhipatipaccayena paccayo— ārammaṇādhipati, sahajātādhipati. Ārammaṇādhipati—ariyā maggā vuṭṭhahitvā …pe… nibbānaṁ garuṁ katvā paccavekkhanti, nibbānaṁ gotrabhussa, vodānassa. Maggassa, phalassa adhipatipaccayena paccayo; cakkhuṁ …pe… vatthuṁ acetasike khandhe garuṁ katvā assādeti abhinandati, taṁ garuṁ katvā cittaṁ uppajjati. Sahajātādhipati—acetasikādhipati cittasamuṭṭhānānaṁ rūpānaṁ adhipatipaccayena paccayo.

Acetasiko dhammo cetasikassa dhammassa adhipatipaccayena paccayo— ārammaṇādhipati, sahajātādhipati. Ārammaṇādhipati—ariyā maggā vuṭṭhahitvā …pe… nibbānaṁ garuṁ katvā …pe… (paṭhamagamanasadisaṁ); cakkhuṁ …pe… vatthuṁ acetasike khandhe garuṁ katvā assādeti abhinandati, taṁ garuṁ katvā rāgo uppajjati, diṭṭhi uppajjati. Sahajātādhipati—acetasikādhipati sampayuttakānaṁ khandhānaṁ adhipatipaccayena paccayo.

Acetasiko dhammo cetasikassa ca acetasikassa ca dhammassa adhipatipaccayena paccayo—ārammaṇādhipati, sahajātādhipati. Ārammaṇādhipati—ariyā maggā vuṭṭhahitvā …pe… nibbānaṁ …pe… (paṭhamagamanaṁ) acetasike khandhe garuṁ katvā assādeti abhinandati, taṁ garuṁ katvā cetasikā khandhā ca cittañca uppajjanti. Sahajātādhipati—acetasikādhipati sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena paccayo.

Cetasiko ca acetasiko ca dhammā cetasikassa dhammassa adhipatipaccayena paccayo—ārammaṇādhipati … tīṇi. (Ārammaṇādhipatiyeva.)

Anantarādi

Cetasiko dhammo cetasikassa dhammassa anantarapaccayena paccayo—purimā purimā cetasikā khandhā pacchimānaṁ pacchimānaṁ cetasikānaṁ khandhānaṁ anantarapaccayena paccayo. (Mūlaṁ pucchitabbaṁ.) Purimā purimā cetasikā khandhā pacchimassa pacchimassa cittassa anantarapaccayena paccayo. (Mūlaṁ pucchitabbaṁ.) Purimā purimā cetasikā khandhā pacchimānaṁ pacchimānaṁ cetasikānaṁ khandhānaṁ cittassa ca anantarapaccayena paccayo.

Acetasiko dhammo acetasikassa dhammassa anantarapaccayena paccayo—purimaṁ purimaṁ cittaṁ pacchimassa pacchimassa cittassa anantarapaccayena paccayo; anulomaṁ gotrabhussa …pe… phalasamāpattiyā anantarapaccayena paccayo.

Acetasiko dhammo cetasikassa dhammassa anantarapaccayena paccayo. (Evaṁ tīṇi kātabbāni, paṭhamagamanasadisaṁ. Pūritvā kātabbaṁ, ninnānākaraṇaṁ.)

Cetasiko ca acetasiko ca dhammā cetasikassa dhammassa anantarapaccayena paccayo … tīṇi. (Āvajjanāpi vuṭṭhānampi natthi.)

Samanantarapaccayena paccayo … nava, sahajātapaccayena paccayo … nava (paṭiccavārasadisaṁ), aññamaññapaccayena paccayo … nava (paṭiccavārasadisaṁ), nissayapaccayena paccayo … nava. (Paccayavārasadisaṁ.)

Upanissaya

Cetasiko dhammo cetasikassa dhammassa upanissayapaccayena paccayo— ārammaṇūpanissayo, anantarūpanissayo, pakatūpanissayo …pe…. Pakatūpanissayo—cetasikā khandhā cetasikānaṁ khandhānaṁ upanissayapaccayena paccayo. (Mūlaṁ pucchitabbaṁ, tīṇi upanissayā.) Cetasikā khandhā cittassa upanissayapaccayena paccayo. (Mūlaṁ pucchitabbaṁ, tīṇi upanissayā.) Cetasikā khandhā cetasikānaṁ khandhānaṁ cittassa ca upanissayapaccayena paccayo.

Acetasiko dhammo acetasikassa dhammassa upanissayapaccayena paccayo— ārammaṇūpanissayo, anantarūpanissayo, pakatūpanissayo …pe…. Pakatūpanissayo—utuṁ … bhojanaṁ … senāsanaṁ cittaṁ upanissāya dānaṁ deti …pe… saṅghaṁ bhindati; utuṁ … bhojanaṁ … senāsanaṁ cittaṁ saddhāya …pe… paññāya … rāgassa …pe… patthanāya kāyikassa sukhassa, kāyikassa dukkhassa, maggassa, phalasamāpattiyā upanissayapaccayena paccayo.

Acetasiko dhammo cetasikassa dhammassa upanissayapaccayena paccayo— ārammaṇūpanissayo, anantarūpanissayo pakatūpanissayo …pe…. Pakatūpanissayo—utuṁ … bhojanaṁ … senāsanaṁ cittaṁ upanissāya dānaṁ deti …pe…. (Tīṇi, paṭhamagamanasadisaṁ ninnānākaraṇaṁ.)

Cetasiko ca acetasiko ca dhammā cetasikassa dhammassa upanissayapaccayena paccayo … tīṇi.

Purejāta

Acetasiko dhammo acetasikassa dhammassa purejātapaccayena paccayo— ārammaṇapurejātaṁ, vatthupurejātaṁ. Ārammaṇapurejātaṁ—cakkhuṁ …pe… vatthuṁ aniccato …pe… vipassati assādeti abhinandati, taṁ ārabbha cittaṁ uppajjati. Dibbena cakkhunā rūpaṁ passati, dibbāya sotadhātuyā saddaṁ suṇāti. Rūpāyatanaṁ cakkhuviññāṇassa …pe… phoṭṭhabbāyatanaṁ kāyaviññāṇassa …pe…. Vatthupurejātaṁ—cakkhāyatanaṁ cakkhuviññāṇassa …pe… kāyāyatanaṁ kāyaviññāṇassa …pe… vatthu cittassa purejātapaccayena paccayo.

Acetasiko dhammo cetasikassa dhammassa purejātapaccayena paccayo— ārammaṇapurejātaṁ, vatthupurejātaṁ. Ārammaṇapurejātaṁ—cakkhuṁ …pe… vatthuṁ aniccato …pe… domanassaṁ uppajjati; dibbena cakkhunā rūpaṁ passati, dibbāya sotadhātuyā saddaṁ suṇāti. Rūpāyatanaṁ cakkhuviññāṇasahagatānaṁ khandhānaṁ …pe… phoṭṭhabbāyatanaṁ kāyaviññāṇasahagatānaṁ khandhānaṁ …pe…. Vatthupurejātaṁ—cakkhāyatanaṁ cakkhuviññāṇasahagatānaṁ khandhānaṁ …pe… kāyāyatanaṁ …pe… vatthu cetasikānaṁ khandhānaṁ purejātapaccayena paccayo.

Acetasiko dhammo cetasikassa ca acetasikassa ca dhammassa purejātapaccayena paccayo—ārammaṇapurejātaṁ, vatthupurejātaṁ. Ārammaṇapurejātaṁ—cakkhuṁ …pe… vatthuṁ aniccato …pe… vipassati assādeti abhinandati, taṁ ārabbha cittañca sampayuttakā ca khandhā uppajjanti. Dibbena cakkhunā rūpaṁ passati, dibbāya sotadhātuyā saddaṁ suṇāti. Rūpāyatanaṁ cakkhuviññāṇassa sampayuttakānañca khandhānaṁ …pe… phoṭṭhabbāyatanaṁ …pe…. Vatthupurejātaṁ—cakkhāyatanaṁ cakkhuviññāṇassa sampayuttakānañca khandhānaṁ …pe… kāyāyatanaṁ …pe… vatthu cittassa sampayuttakānañca khandhānaṁ purejātapaccayena paccayo.

Pacchājātāsevana

Cetasiko dhammo acetasikassa dhammassa pacchājātapaccayena paccayo. (Saṅkhittaṁ.)

Acetasiko dhammo acetasikassa dhammassa pacchājātapaccayena paccayo. (Saṅkhittaṁ.)

Cetasiko ca acetasiko ca dhammā acetasikassa dhammassa pacchājātapaccayena paccayo. (Saṅkhittaṁ.)

Cetasiko dhammo cetasikassa dhammassa āsevanapaccayena paccayo. (Saṅkhittaṁ.)

Kamma

Cetasiko dhammo cetasikassa dhammassa kammapaccayena paccayo—sahajātā, nānākkhaṇikā. Sahajātā—cetasikā cetanā sampayuttakānaṁ khandhānaṁ kammapaccayena paccayo; paṭisandhikkhaṇe …pe…. Nānākkhaṇikā—cetasikā cetanā vipākānaṁ khandhānaṁ kammapaccayena paccayo.

Cetasiko dhammo acetasikassa dhammassa kammapaccayena paccayo—sahajātā, nānākkhaṇikā. Sahajātā—cetasikā cetanā cittassa cittasamuṭṭhānānañca rūpānaṁ kammapaccayena paccayo; paṭisandhikkhaṇe …pe…. Nānākkhaṇikā—cetasikā cetanā vipākassa cittassa kaṭattā ca rūpānaṁ kammapaccayena paccayo.

Cetasiko dhammo cetasikassa ca acetasikassa ca dhammassa kammapaccayena paccayo—sahajātā, nānākkhaṇikā. Sahajātā—cetasikā cetanā sampayuttakānaṁ khandhānaṁ cittassa ca cittasamuṭṭhānānañca rūpānaṁ kammapaccayena paccayo; paṭisandhikkhaṇe …pe…. Nānākkhaṇikā—cetasikā cetanā vipākānaṁ khandhānaṁ cittassa kaṭattā ca rūpānaṁ kammapaccayena paccayo.

Vipākādi

Cetasiko dhammo cetasikassa dhammassa vipākapaccayena paccayo … nava … āhārapaccayena paccayo … nava … indriyapaccayena paccayo … nava … jhānapaccayena paccayo … tīṇi … maggapaccayena paccayo … tīṇi … sampayuttapaccayena paccayo … pañca.

Vippayutta

Cetasiko dhammo acetasikassa dhammassa vippayuttapaccayena paccayo—sahajātaṁ, pacchājātaṁ. (Saṅkhittaṁ.)

Acetasiko dhammo acetasikassa dhammassa vippayuttapaccayena paccayo— sahajātaṁ, purejātaṁ, pacchājātaṁ. Sahajātaṁ—cittaṁ cittasamuṭṭhānānaṁ rūpānaṁ vippayuttapaccayena paccayo; paṭisandhikkhaṇe cittaṁ kaṭattārūpānaṁ vippayuttapaccayena paccayo; cittaṁ vatthussa vippayuttapaccayena paccayo; vatthu cittassa vippayuttapaccayena paccayo. Purejātaṁ—cakkhāyatanaṁ cakkhuviññāṇassa vippayuttapaccayena paccayo …pe… kāyāyatanaṁ kāyaviññāṇassa …pe… vatthu cittassa vippayuttapaccayena paccayo. Pacchājātaṁ—cittaṁ purejātassa imassa kāyassa vippayuttapaccayena paccayo.

Acetasiko dhammo cetasikassa dhammassa vippayuttapaccayena paccayo—sahajātaṁ, purejātaṁ. Sahajātaṁ—paṭisandhikkhaṇe vatthu cetasikānaṁ khandhānaṁ vippayuttapaccayena paccayo. Purejātaṁ—cakkhāyatanaṁ cakkhuviññāṇasahagatānaṁ khandhānaṁ …pe… kāyāyatanaṁ kāyaviññāṇasahagatānaṁ khandhānaṁ …pe… vatthu cetasikānaṁ khandhānaṁ vippayuttapaccayena paccayo.

Acetasiko dhammo cetasikassa ca acetasikassa ca dhammassa vippayuttapaccayena paccayo—sahajātaṁ, purejātaṁ. Sahajātaṁ—paṭisandhikkhaṇe vatthu cetasikānaṁ khandhānaṁ cittassa ca vippayuttapaccayena paccayo. Purejātaṁ—cakkhāyatanaṁ cakkhuviññāṇassa sampayuttakānañca khandhānaṁ …pe… kāyāyatanaṁ kāyaviññāṇassa sampayuttakānañca khandhānaṁ …pe… vatthu cittassa sampayuttakānañca khandhānaṁ vippayuttapaccayena paccayo.

Cetasiko ca acetasiko ca dhammā acetasikassa dhammassa vippayuttapaccayena paccayo—sahajātaṁ, pacchājātaṁ. (Saṅkhittaṁ.)

Atthi

Cetasiko dhammo cetasikassa dhammassa atthipaccayena paccayo … ekaṁ. (Paṭiccavārasadisaṁ.)

Cetasiko dhammo acetasikassa dhammassa atthipaccayena paccayo—sahajātaṁ, pacchājātaṁ. (Saṅkhittaṁ.)

Cetasiko dhammo cetasikassa ca acetasikassa ca dhammassa atthipaccayena paccayo … ekaṁ. (Paṭiccavārasadisaṁ.)

Acetasiko dhammo acetasikassa dhammassa atthipaccayena paccayo—sahajātaṁ, purejātaṁ, pacchājātaṁ, āhāraṁ, indriyaṁ. (Saṅkhittaṁ.)

Acetasiko dhammo cetasikassa dhammassa atthipaccayena paccayo—sahajātaṁ, purejātaṁ. Sahajātaṁ—cittaṁ cetasikānaṁ khandhānaṁ atthipaccayena paccayo; paṭisandhikkhaṇe cittaṁ …pe… paṭisandhikkhaṇe vatthu cetasikānaṁ khandhānaṁ atthipaccayena paccayo. Purejātaṁ—cakkhuṁ …pe… vatthuṁ aniccato …pe…. (Purejātasadisaṁ ninnānākaraṇaṁ.)

Acetasiko dhammo cetasikassa ca acetasikassa ca dhammassa atthipaccayena paccayo—sahajātaṁ, purejātaṁ. Sahajātaṁ—cittaṁ sampayuttakānaṁ khandhānaṁ cittasamuṭṭhānānañca rūpānaṁ atthipaccayena paccayo; paṭisandhikkhaṇe cittaṁ …pe… paṭisandhikkhaṇe vatthu cetasikānaṁ khandhānaṁ cittassa ca atthipaccayena paccayo. Purejātaṁ—cakkhuṁ …pe… vatthuṁ aniccato …pe…. (Purejātasadisaṁ ninnānaṁ.)

Cetasiko ca acetasiko ca dhammā cetasikassa dhammassa atthipaccayena paccayo— sahajātaṁ, purejātaṁ. Sahajāto—cakkhuviññāṇasahagato eko khandho ca cakkhāyatanañca dvinnaṁ khandhānaṁ …pe… kāyaviññāṇasahagato …pe… cetasiko eko khandho ca vatthu ca dvinnaṁ khandhānaṁ atthipaccayena paccayo; dve khandhā ca …pe…. Sahajāto—cetasiko eko khandho ca cittañca dvinnaṁ khandhānaṁ atthipaccayena paccayo; dve khandhā ca …pe… (paṭisandhikkhaṇe dvepi kātabbā.)

Cetasiko ca acetasiko ca dhammā acetasikassa dhammassa atthipaccayena paccayo— sahajātaṁ, purejātaṁ, pacchājātaṁ, āhāraṁ, indriyaṁ. Sahajātā—cakkhuviññāṇasahagatā khandhā ca cakkhāyatanañca cakkhuviññāṇassa …pe… kāyaviññāṇassa …pe… cetasikā khandhā ca cittañca cittasamuṭṭhānānaṁ rūpānaṁ atthipaccayena paccayo; cetasikā khandhā ca cittañca mahābhūtā ca cittasamuṭṭhānānaṁ rūpānaṁ atthipaccayena paccayo. Sahajātā—cetasikā khandhā ca vatthu ca cittassa atthipaccayena paccayo (paṭisandhikkhaṇe tīṇipi kātabbā). Pacchājātā—cetasikā khandhā ca cittañca purejātassa imassa kāyassa atthipaccayena paccayo. Pacchājātā—cetasikā khandhā ca cittañca kabaḷīkāro āhāro ca imassa kāyassa atthipaccayena paccayo. Pacchājātā—cetasikā khandhā ca cittañca rūpajīvitindriyañca kaṭattārūpānaṁ atthipaccayena paccayo.

Cetasiko ca acetasiko ca dhammā cetasikassa ca acetasikassa ca dhammassa atthipaccayena paccayo—sahajātaṁ, purejātaṁ. Sahajāto—cakkhuviññāṇasahagato eko khandho ca cakkhāyatanañca dvinnaṁ khandhānaṁ cakkhuviññāṇassa ca atthipaccayena paccayo …pe… kāyaviññāṇasahagato eko khandho ca kāyāyatanañca dvinnaṁ khandhānaṁ kāyaviññāṇassa ca atthipaccayena paccayo; dve khandhā ca …pe…. Sahajāto—cetasiko eko khandho ca vatthu ca dvinnaṁ khandhānaṁ cittassa ca atthipaccayena paccayo; dve khandhā ca …pe…. (Paṭisandhiyā dve kātabbā.)

Saṅkhyāvāra

Suddha

Hetuyā tīṇi, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte tīṇi, pacchājāte tīṇi, āsevane nava, kamme tīṇi, vipāke nava, āhāre nava, indriye nava, jhāne tīṇi, magge tīṇi, sampayutte pañca, vippayutte pañca, atthiyā nava, natthiyā nava, vigate nava, avigate nava.

Anulomaṁ.

Paccanīyuddhāra

Cetasiko dhammo cetasikassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … kammapaccayena paccayo.

Cetasiko dhammo acetasikassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … pacchājātapaccayena paccayo … kammapaccayena paccayo.

Cetasiko dhammo cetasikassa ca acetasikassa ca dhammassa ārammaṇapaccayena paccayo … sahajātapaccayena paccayo … upanissayapaccayena paccayo … kammapaccayena paccayo.

Acetasiko dhammo acetasikassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … āhārapaccayena paccayo … indriyapaccayena paccayo.

Acetasiko dhammo cetasikassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo.

Acetasiko dhammo cetasikassa ca acetasikassa ca dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo.

Cetasiko ca acetasiko ca dhammā cetasikassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo.

Cetasiko ca acetasiko ca dhammā acetasikassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … pacchājātapaccayena paccayo.

Cetasiko ca acetasiko ca dhammā cetasikassa ca acetasikassa ca dhammassa ārammaṇapaccayena paccayo … sahajātapaccayena paccayo … upanissayapaccayena paccayo.

2.10.3.7.2. Paccayapaccanīya

Saṅkhyāvāra

Suddha

Nahetuyā nava, naārammaṇe nava (sabbattha nava), noavigate nava.

2.10.3.7.3. Paccayānulomapaccanīya

Hetupaccayā naārammaṇe tīṇi, naadhipatiyā tīṇi, naanantare tīṇi, nasamanantare tīṇi, naaññamaññe ekaṁ, naupanissaye tīṇi (sabbattha tīṇi), namagge tīṇi, nasampayutte ekaṁ, navippayutte tīṇi, nonatthiyā tīṇi, novigate tīṇi.

2.10.3.7.4. Paccayapaccanīyānuloma

Nahetupaccayā ārammaṇe nava, adhipatiyā nava (anulomamātikā kātabbā) …pe… avigate nava.

Cetasikadukaṁ niṭṭhitaṁ.

2.10.4. Cittasampayuttaduka

2.10.4.1. Paṭiccavāra

2.10.4.1.1. Paccayānuloma

Vibhaṅgavāra

Hetu

Cittasampayuttaṁ dhammaṁ paṭicca cittasampayutto dhammo uppajjati hetupaccayā— cittasampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; paṭisandhikkhaṇe …pe….

Cittasampayuttaṁ dhammaṁ paṭicca cittavippayutto dhammo uppajjati hetupaccayā— cittasampayutte khandhe paṭicca cittasamuṭṭhānaṁ rūpaṁ; paṭisandhikkhaṇe …pe….

Cittasampayuttaṁ dhammaṁ paṭicca cittasampayutto ca cittavippayutto ca dhammā uppajjanti hetupaccayā—cittasampayuttaṁ ekaṁ khandhaṁ paṭicca dve khandhā cittasamuṭṭhānañca rūpaṁ, dve khandhe …pe… paṭisandhikkhaṇe …pe….

Cittavippayuttaṁ dhammaṁ paṭicca cittavippayutto dhammo uppajjati hetupaccayā— ekaṁ mahābhūtaṁ …pe… mahābhūte paṭicca cittasamuṭṭhānaṁ rūpaṁ …pe… paṭisandhikkhaṇe …pe… ekaṁ mahābhūtaṁ …pe… mahābhūte paṭicca kaṭattārūpaṁ upādārūpaṁ.

Cittavippayuttaṁ dhammaṁ paṭicca cittasampayutto dhammo uppajjati hetupaccayā— paṭisandhikkhaṇe vatthuṁ paṭicca cittasampayuttakā khandhā.

Cittavippayuttaṁ dhammaṁ paṭicca cittasampayutto ca cittavippayutto ca dhammā uppajjanti hetupaccayā—paṭisandhikkhaṇe vatthuṁ paṭicca cittasampayuttakā khandhā, mahābhūte paṭicca kaṭattārūpaṁ.

Cittasampayuttañca cittavippayuttañca dhammaṁ paṭicca cittasampayutto dhammo uppajjati hetupaccayā—paṭisandhikkhaṇe cittasampayuttaṁ ekaṁ khandhañca vatthuñca paṭicca dve khandhā, dve khandhe ca …pe….

Cittasampayuttañca cittavippayuttañca dhammaṁ paṭicca cittavippayutto dhammo uppajjati hetupaccayā—cittasampayutte khandhe ca mahābhūte ca paṭicca cittasamuṭṭhānaṁ rūpaṁ; paṭisandhikkhaṇe cittasampayutte khandhe ca mahābhūte ca paṭicca kaṭattārūpaṁ.

Cittasampayuttañca cittavippayuttañca dhammaṁ paṭicca cittasampayutto ca cittavippayutto ca dhammā uppajjanti hetupaccayā—paṭisandhikkhaṇe cittasampayuttaṁ ekaṁ khandhañca vatthuñca paṭicca dve khandhā, dve khandhe ca …pe… cittasampayutte khandhe ca mahābhūte ca paṭicca kaṭattārūpaṁ.

Ārammaṇa

Cittasampayuttaṁ dhammaṁ paṭicca cittasampayutto dhammo uppajjati ārammaṇapaccayā—cittasampayuttaṁ ekaṁ khandhaṁ paṭicca dve khandhā, dve khandhe …pe… paṭisandhikkhaṇe …pe….

Cittavippayuttaṁ dhammaṁ paṭicca cittasampayutto dhammo uppajjati ārammaṇapaccayā—paṭisandhikkhaṇe vatthuṁ paṭicca cittasampayuttakā khandhā.

Cittasampayuttañca cittavippayuttañca dhammaṁ paṭicca cittasampayutto dhammo uppajjati ārammaṇapaccayā—paṭisandhikkhaṇe cittasampayuttaṁ ekaṁ khandhañca vatthuñca paṭicca dve khandhā, dve khandhe ca …pe… (Saṅkhittaṁ.)

Saṅkhyāvāra

Suddha

Hetuyā nava, ārammaṇe tīṇi, adhipatiyā pañca, anantare tīṇi, samanantare tīṇi, sahajāte nava, aññamaññe cha, nissaye nava, upanissaye tīṇi, purejāte ekaṁ, āsevane ekaṁ, kamme nava, vipāke nava, āhāre nava, indriye nava, jhāne nava, magge nava, sampayutte tīṇi, vippayutte nava, atthiyā nava, natthiyā tīṇi, vigate tīṇi, avigate nava.

2.10.4.1.2. Paccayapaccanīya

Vibhaṅgavāra

Nahetu

Cittasampayuttaṁ dhammaṁ paṭicca cittasampayutto dhammo uppajjati nahetupaccayā—ahetukaṁ cittasampayuttaṁ ekaṁ khandhaṁ paṭicca dve khandhā, dve khandhe …pe… ahetukapaṭisandhikkhaṇe …pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.

(Evaṁ navapi pañhā kātabbā. Ahetukanti sabbattha niyāmetabbaṁ, ekaṁyeva mohaṁ mūlapade.)

Naārammaṇa

Cittasampayuttaṁ dhammaṁ paṭicca cittavippayutto dhammo uppajjati naārammaṇapaccayā—cittasampayutte khandhe paṭicca cittasamuṭṭhānaṁ rūpaṁ; paṭisandhikkhaṇe …pe….

Cittavippayuttaṁ dhammaṁ paṭicca cittavippayutto dhammo uppajjati naārammaṇapaccayā—ekaṁ mahābhūtaṁ …pe…. (Yāva asaññasattā.)

Cittasampayuttañca cittavippayuttañca dhammaṁ paṭicca cittavippayutto dhammo uppajjati naārammaṇapaccayā—cittasampayutte khandhe ca mahābhūte ca paṭicca cittasamuṭṭhānaṁ rūpaṁ; paṭisandhikkhaṇe ekaṁ. (Saṅkhittaṁ.)

Saṅkhyāvāra

Suddha

Nahetuyā nava, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme dve, navipāke pañca, naāhāre ekaṁ, naindriye ekaṁ, najhāne dve, namagge nava, nasampayutte tīṇi, navippayutte dve, nonatthiyā tīṇi, novigate tīṇi.

2.10.4.1.3. Paccayānulomapaccanīya

Hetupaccayā naārammaṇe tīṇi, naadhipatiyā nava …pe… nakamme ekaṁ, navipāke pañca, nasampayutte tīṇi, navippayutte ekaṁ, nonatthiyā tīṇi, novigate tīṇi.

2.10.4.1.4. Paccayapaccanīyānuloma

Nahetupaccayā ārammaṇe tīṇi, anantare tīṇi, samanantare tīṇi …pe… aññamaññe cha …pe… purejāte ekaṁ, āsevane ekaṁ, kamme nava …pe… magge ekaṁ …pe… avigate nava.

2.10.4.2. Sahajātavāra

Sahajātavāro paṭiccavārasadiso.

2.10.4.3. Paccayavāra

2.10.4.3.1. Paccayānuloma

Vibhaṅgavāra

Hetu

Cittasampayuttaṁ dhammaṁ paccayā cittasampayutto dhammo uppajjati hetupaccayā … tīṇi. (Paṭiccasadisā.)

Cittavippayuttaṁ dhammaṁ paccayā cittavippayutto dhammo uppajjati hetupaccayā … ekaṁ. (Paṭiccasadisaṁ.)

Cittavippayuttaṁ dhammaṁ paccayā cittasampayutto dhammo uppajjati hetupaccayā— vatthuṁ paccayā cittasampayuttakā khandhā; paṭisandhikkhaṇe …pe….

Cittavippayuttaṁ dhammaṁ paccayā cittasampayutto ca cittavippayutto ca dhammā uppajjanti hetupaccayā—vatthuṁ paccayā cittasampayuttakā khandhā, mahābhūte paccayā cittasamuṭṭhānaṁ rūpaṁ; paṭisandhikkhaṇe …pe….

Cittasampayuttañca cittavippayuttañca dhammaṁ paccayā cittasampayutto dhammo uppajjati hetupaccayā—cittasampayuttaṁ ekaṁ khandhañca vatthuñca paccayā dve khandhā, dve khandhe ca …pe… paṭisandhikkhaṇe …pe….

Cittasampayuttañca cittavippayuttañca dhammaṁ paccayā cittavippayutto dhammo uppajjati hetupaccayā—cittasampayutte khandhe ca mahābhūte ca paccayā cittasamuṭṭhānaṁ rūpaṁ; paṭisandhikkhaṇe …pe….

Cittasampayuttañca cittavippayuttañca dhammaṁ paccayā cittasampayutto ca cittavippayutto ca dhammā uppajjanti hetupaccayā—cittasampayuttaṁ ekaṁ khandhañca vatthuñca paccayā dve khandhā, dve khandhe ca …pe… cittasampayutte khandhe ca mahābhūte ca paccayā cittasamuṭṭhānaṁ rūpaṁ; paṭisandhikkhaṇe …pe….

Ārammaṇa

Cittasampayuttaṁ dhammaṁ paccayā cittasampayutto dhammo uppajjati ārammaṇapaccayā … ekaṁ. (Paṭiccasadisaṁ.)

Cittavippayuttaṁ dhammaṁ paccayā cittasampayutto dhammo uppajjati ārammaṇapaccayā—cakkhāyatanaṁ paccayā cakkhuviññāṇasahagatā khandhā …pe… kāyāyatanaṁ paccayā kāyaviññāṇasahagatā khandhā …pe… vatthuṁ paccayā cittasampayuttakā khandhā; paṭisandhikkhaṇe …pe….

Cittasampayuttañca cittavippayuttañca dhammaṁ paccayā cittasampayutto dhammo uppajjati ārammaṇapaccayā—cakkhuviññāṇasahagataṁ ekaṁ khandhañca cakkhāyatanañca paccayā dve khandhā, dve khandhe ca …pe… kāyaviññāṇasahagataṁ ekaṁ khandhañca kāyāyatanañca paccayā dve khandhā, dve khandhe ca …pe… cittasampayuttaṁ ekaṁ khandhañca vatthuñca paccayā dve khandhā, dve khandhe ca …pe… paṭisandhikkhaṇe …pe… (Saṅkhittaṁ.)

Saṅkhyāvāra

Suddha

Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe cha, nissaye nava, upanissaye tīṇi, purejāte tīṇi, āsevane tīṇi, kamme nava …pe… avigate nava.

2.10.4.2. Paccayapaccanīya

Vibhaṅgavāra

Nahetu

Cittasampayuttaṁ dhammaṁ paccayā cittasampayutto dhammo uppajjati nahetupaccayā … tīṇi. (Paṭiccasadisā.)

Cittavippayuttaṁ dhammaṁ paccayā cittavippayutto dhammo uppajjati nahetupaccayā—ekaṁ mahābhūtaṁ …pe…. (Yāva asaññasattā.)

Cittavippayuttaṁ dhammaṁ paccayā cittasampayutto dhammo uppajjati nahetupaccayā—cakkhāyatanaṁ paccayā cakkhuviññāṇasahagatā khandhā …pe… kāyāyatanaṁ …pe… vatthuṁ paccayā ahetukā cittasampayuttakā khandhā; paṭisandhikkhaṇe …pe… vatthuṁ paccayā vicikicchāsahagato uddhaccasahagato moho.

Cittavippayuttaṁ dhammaṁ paccayā cittasampayutto ca cittavippayutto ca dhammā uppajjanti nahetupaccayā—vatthuṁ paccayā ahetukā cittasampayuttakā khandhā, mahābhūte paccayā cittasamuṭṭhānaṁ rūpaṁ; paṭisandhikkhaṇe …pe….

Cittasampayuttañca cittavippayuttañca dhammaṁ paccayā cittasampayutto dhammo uppajjati nahetupaccayā—cakkhuviññāṇasahagataṁ ekaṁ khandhañca cakkhāyatanañca paccayā dve khandhā, dve khandhe ca …pe… kāyaviññāṇasahagataṁ ekaṁ khandhañca kāyāyatanañca paccayā dve khandhā, dve khandhe ca …pe… ahetukaṁ cittasampayuttaṁ ekaṁ khandhañca vatthuñca paccayā dve khandhā, dve khandhe ca …pe… ahetukapaṭisandhikkhaṇe …pe… vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (Evaṁ dve pañhā pavattipaṭisandhi kātabbā. Saṅkhittaṁ.)

Saṅkhyāvāra

Suddha

Nahetuyā nava, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme cattāri, navipāke nava, naāhāre ekaṁ, naindriye ekaṁ, najhāne cattāri, namagge nava, nasampayutte tīṇi, navippayutte dve, nonatthiyā tīṇi, novigate tīṇi.

2.10.4.3.3. Paccayānulomapaccanīya

Hetupaccayā naārammaṇe tīṇi …pe… nakamme tīṇi …pe… navippayutte ekaṁ, nonatthiyā tīṇi, novigate tīṇi.

2.10.4.3.4. Paccayapaccanīyānuloma

Nahetupaccayā ārammaṇe tīṇi …pe… magge tīṇi …pe… avigate nava.

2.10.4.4. Nissayavāra

Nissayavāro paccayavārasadiso.

2.10.4.5. Saṁsaṭṭhavāra

2.10.4.5.1–4 Paccayānulomādi

Cittasampayuttaṁ dhammaṁ saṁsaṭṭho cittasampayutto dhammo uppajjati hetupaccayā—cittasampayuttaṁ ekaṁ khandhaṁ saṁsaṭṭhā dve khandhā, dve khandhe …pe… paṭisandhikkhaṇe …pe….

Hetuyā ekaṁ, ārammaṇe ekaṁ, adhipatiyā ekaṁ (sabbattha ekaṁ), avigate ekaṁ.

Nahetuyā ekaṁ, naadhipatiyā ekaṁ, napurejāte ekaṁ, napacchājāte ekaṁ, naāsevane ekaṁ, nakamme ekaṁ, navipāke ekaṁ, najhāne ekaṁ, namagge ekaṁ, navippayutte ekaṁ.

2.10.4.6. Sampayuttavāra

Evaṁ itare dve gaṇanāpi sampayuttavāropi kātabbo.

2.10.4.7. Pañhāvāra

2.10.4.7.1. Paccayānuloma

Vibhaṅgavāra

Hetu

Cittasampayutto dhammo cittasampayuttassa dhammassa hetupaccayena paccayo— cittasampayuttā hetū sampayuttakānaṁ khandhānaṁ hetupaccayena paccayo; paṭisandhikkhaṇe …pe….

Cittasampayutto dhammo cittavippayuttassa dhammassa hetupaccayena paccayo— cittasampayuttā hetū cittasamuṭṭhānānaṁ rūpānaṁ hetupaccayena paccayo; paṭisandhikkhaṇe …pe….

Cittasampayutto dhammo cittasampayuttassa ca cittavippayuttassa ca dhammassa hetupaccayena paccayo—cittasampayuttā hetū sampayuttakānaṁ khandhānaṁ cittasamuṭṭhānānañca rūpānaṁ hetupaccayena paccayo; paṭisandhikkhaṇe …pe….

Ārammaṇa

Cittasampayutto dhammo cittasampayuttassa dhammassa ārammaṇapaccayena paccayo— dānaṁ …pe… sīlaṁ …pe… uposathakammaṁ katvā taṁ paccavekkhati assādeti abhinandati, taṁ ārabbha rāgo uppajjati …pe… domanassaṁ uppajjati; pubbe suciṇṇāni …pe… jhānā vuṭṭhahitvā jhānaṁ …pe… ariyā maggā vuṭṭhahitvā maggaṁ paccavekkhanti, phalaṁ paccavekkhanti. Pahīne kilese …pe… vikkhambhite kilese paccavekkhanti. Pubbe samudāciṇṇe kilese jānanti. Cittasampayutte khandhe aniccato …pe… domanassaṁ uppajjati. Cetopariyañāṇena cittasampayuttasamaṅgissa cittaṁ jānanti. Ākāsānañcāyatanaṁ viññāṇañcāyatanassa …pe… ākiñcaññāyatanaṁ nevasaññānāsaññāyatanassa …pe… cittasampayuttā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṁsañāṇassa, āvajjanāya ārammaṇapaccayena paccayo.

Cittavippayutto dhammo cittasampayuttassa dhammassa ārammaṇapaccayena paccayo— ariyā nibbānaṁ paccavekkhanti. Nibbānaṁ gotrabhussa, vodānassa, maggassa, phalassa, āvajjanāya ārammaṇapaccayena paccayo; cakkhuṁ …pe… vatthuṁ cittavippayutte khandhe aniccato …pe… domanassaṁ uppajjati; dibbena cakkhunā rūpaṁ passati, dibbāya sotadhātuyā saddaṁ suṇāti. Rūpāyatanaṁ cakkhuviññāṇasahagatānaṁ khandhānaṁ …pe… phoṭṭhabbāyatanaṁ …pe… cittavippayuttā khandhā iddhividhañāṇassa, pubbenivāsānussatiñāṇassa, anāgataṁsañāṇassa, āvajjanāya ārammaṇapaccayena paccayo.

Adhipati

Cittasampayutto dhammo cittasampayuttassa dhammassa adhipatipaccayena paccayo— ārammaṇādhipati, sahajātādhipati. Ārammaṇādhipati—dānaṁ …pe… sīlaṁ …pe… uposathakammaṁ katvā taṁ garuṁ katvā paccavekkhati assādeti abhinandati, taṁ garuṁ katvā rāgo uppajjati, diṭṭhi uppajjati. Pubbe …pe… jhānā …pe… ariyā maggā vuṭṭhahitvā maggaṁ garuṁ katvā paccavekkhanti, phalaṁ garuṁ katvā paccavekkhanti, cittasampayutte khandhe garuṁ katvā assādeti abhinandati, taṁ garuṁ katvā rāgo uppajjati, diṭṭhi uppajjati. Sahajātādhipati—cittasampayuttādhipati sampayuttakānaṁ khandhānaṁ adhipatipaccayena paccayo.

Cittasampayutto dhammo cittavippayuttassa dhammassa adhipatipaccayena paccayo. Sahajātādhipati—cittasampayuttādhipati cittasamuṭṭhānānaṁ rūpānaṁ adhipatipaccayena paccayo.

Cittasampayutto dhammo cittasampayuttassa ca cittavippayuttassa ca dhammassa adhipatipaccayena paccayo. Sahajātādhipati—cittasampayuttādhipati sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena paccayo.

Cittavippayutto dhammo cittasampayuttassa dhammassa adhipatipaccayena paccayo. Ārammaṇādhipati—ariyā nibbānaṁ garuṁ katvā paccavekkhanti. Nibbānaṁ gotrabhussa, vodānassa, maggassa, phalassa, adhipatipaccayena paccayo; cakkhuṁ …pe… vatthuṁ cittavippayutte khandhe garuṁ katvā assādeti abhinandati, taṁ garuṁ katvā rāgo uppajjati, diṭṭhi uppajjati.

Anantarādi

Cittasampayutto dhammo cittasampayuttassa dhammassa anantarapaccayena paccayo— purimā purimā cittasampayuttā khandhā …pe… phalasamāpattiyā anantarapaccayena paccayo … samanantarapaccayena paccayo … sahajātapaccayena paccayo … satta (paṭiccasadisā, pañhāghaṭanā natthi) … aññamaññapaccayena paccayo … cha (paṭiccasadisā) … nissayapaccayena paccayo … satta. (Paccayavārasadisā, pañhāghaṭanā natthi.)

Upanissaya

Cittasampayutto dhammo cittasampayuttassa dhammassa upanissayapaccayena paccayo—ārammaṇūpanissayo, anantarūpanissayo, pakatūpanissayo …pe…. Pakatūpanissayo—saddhaṁ upanissāya dānaṁ deti …pe… mānaṁ jappeti, diṭṭhiṁ gaṇhāti; sīlaṁ …pe… patthanaṁ kāyikaṁ sukhaṁ … kāyikaṁ dukkhaṁ upanissāya dānaṁ deti …pe… pāṇaṁ hanati …pe… saṅghaṁ bhindati; saddhā …pe… kāyikaṁ dukkhaṁ saddhāya …pe… maggassa, phalasamāpattiyā upanissayapaccayena paccayo.

Cittavippayutto dhammo cittasampayuttassa dhammassa upanissayapaccayena paccayo—ārammaṇūpanissayo, pakatūpanissayo …pe…. Pakatūpanissayo—utuṁ … bhojanaṁ … senāsanaṁ upanissāya dānaṁ deti …pe… saṅghaṁ bhindati; utu … bhojanaṁ … senāsanaṁ saddhāya …pe… phalasamāpattiyā upanissayapaccayena paccayo.

Purejāta

Cittavippayutto dhammo cittasampayuttassa dhammassa purejātapaccayena paccayo— ārammaṇapurejātaṁ, vatthupurejātaṁ. Ārammaṇapurejātaṁ—cakkhuṁ …pe… vatthuṁ aniccato …pe… domanassaṁ uppajjati; dibbena cakkhunā rūpaṁ passati, dibbāya sotadhātuyā saddaṁ suṇāti. Rūpāyatanaṁ cakkhuviññāṇasahagatānaṁ khandhānaṁ …pe… phoṭṭhabbāyatanaṁ …pe…. Vatthupurejātaṁ—cakkhāyatanaṁ cakkhuviññāṇasahagatānaṁ khandhānaṁ …pe… kāyāyatanaṁ …pe… vatthu cittasampayuttakānaṁ khandhānaṁ purejātapaccayena paccayo.

Pacchājātāsevana

Cittasampayutto dhammo cittavippayuttassa dhammassa pacchājātapaccayena paccayo (saṅkhittaṁ) ekaṁ, āsevanapaccayena paccayo … ekaṁ.

Kamma

Cittasampayutto dhammo cittasampayuttassa dhammassa kammapaccayena paccayo— sahajātā, nānākkhaṇikā. Sahajātā—cittasampayuttā cetanā sampayuttakānaṁ khandhānaṁ kammapaccayena paccayo; paṭisandhikkhaṇe …pe…. Nānākkhaṇikā—cittasampayuttā cetanā vipākānaṁ khandhānaṁ kammapaccayena paccayo.

Cittasampayutto dhammo cittavippayuttassa dhammassa kammapaccayena paccayo— sahajātā, nānākkhaṇikā. Sahajātā—cittasampayuttā cetanā cittasamuṭṭhānānaṁ rūpānaṁ kammapaccayena paccayo; paṭisandhikkhaṇe …pe…. Nānākkhaṇikā—cittasampayuttā cetanā kaṭattārūpānaṁ kammapaccayena paccayo.

Cittasampayutto dhammo cittasampayuttassa ca cittavippayuttassa ca dhammassa kammapaccayena paccayo—sahajātā, nānākkhaṇikā. Sahajātā—cittasampayuttā cetanā sampayuttakānaṁ khandhānaṁ cittasamuṭṭhānānañca rūpānaṁ kammapaccayena paccayo; paṭisandhikkhaṇe …pe…. Nānākkhaṇikā—cittasampayuttā cetanā vipākānaṁ khandhānaṁ kaṭattā ca rūpānaṁ kammapaccayena paccayo.