Tam tạng Pāli · Tam tạng Pāli — nguyên bản Pāli (Mahāsaṅgīti) · Luận tạng › Paṭṭhāna
16.82. Sanidassanattika, Savitakkaduka (PATTHANA16.82)
- Thông tin
- Mã SuttaCentral: PATTHANA16.82
Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.82. Sanidassanattika, Savitakkaduka
Anidassanaappaṭighaṁ savitakkaṁ dhammaṁ paṭicca naanidassanaappaṭigho nasavitakko dhammo uppajjati hetupaccayā. Anidassanaappaṭighaṁ savitakkaṁ dhammaṁ paṭicca nasanidassanasappaṭigho nasavitakko dhammo uppajjati hetupaccayā …pe… anidassanaappaṭighaṁ savitakkaṁ dhammaṁ paṭicca nasanidassanasappaṭigho nasavitakko ca naanidassanasappaṭigho nasavitakko ca dhammā uppajjanti hetupaccayā. (Saṅkhittaṁ.)
Hetuyā cha, ārammaṇe tīṇi …pe… avigate cha.
Anidassanaappaṭighaṁ avitakkaṁ dhammaṁ paṭicca nasanidassanasappaṭigho naavitakko dhammo uppajjati hetupaccayā. Anidassanaappaṭighaṁ avitakkaṁ dhammaṁ paṭicca naanidassanasappaṭigho naavitakko dhammo uppajjati hetupaccayā. Anidassanaappaṭighaṁ avitakkaṁ dhammaṁ paṭicca nasanidassanasappaṭigho naavitakko ca naanidassanasappaṭigho naavitakko ca dhammā uppajjanti hetupaccayā. (Saṅkhittaṁ.)
Hetuyā tīṇi …pe… avigate tīṇi.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.