Tam tạng Pāli · Tam tạng Pāli — nguyên bản Pāli (Mahāsaṅgīti) · Luận tạng › Paṭṭhāna
16.4. Kusalattika, Hetusahetukaduka (PATTHANA16.4)
- Thông tin
- Mã SuttaCentral: PATTHANA16.4
Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.4. Kusalattika, Hetusahetukaduka
Kusalaṁ hetuñceva sahetukañca dhammaṁ paṭicca naakusalo nahetu ceva naahetuko ca dhammo uppajjati hetupaccayā. Kusalaṁ hetuñceva sahetukañca dhammaṁ paṭicca naabyākato nahetu ceva naahetuko ca dhammo uppajjati hetupaccayā. Kusalaṁ hetuñceva sahetukañca dhammaṁ paṭicca naakusalo nahetu ceva naahetuko ca naabyākato nahetu ceva naahetuko ca dhammā uppajjanti hetupaccayā.
Akusalaṁ hetuñceva sahetukañca dhammaṁ paṭicca nakusalo nahetu ceva naahetuko ca dhammo uppajjati hetupaccayā … tīṇi.
Abyākataṁ hetuñceva sahetukañca dhammaṁ paṭicca nakusalo nahetu ceva naahetuko ca dhammo uppajjati hetupaccayā. Abyākataṁ hetuñceva sahetukañca dhammaṁ paṭicca naakusalo nahetu ceva naahetuko ca dhammo uppajjati hetupaccayā. Abyākataṁ hetuñceva sahetukañca dhammaṁ paṭicca nakusalo nahetu ceva naahetuko ca naakusalo nahetu ceva naahetuko ca dhammā uppajjanti hetupaccayā. (Saṅkhittaṁ.)
Hetuyā nava …pe… vipāke tīṇi …pe… avigate nava.
Kusalaṁ sahetukañceva na ca hetuṁ dhammaṁ paṭicca naakusalo naahetuko ceva nanahetu ca dhammo uppajjati hetupaccayā. Kusalaṁ sahetukañceva na ca hetuṁ dhammaṁ paṭicca naabyākato naahetuko ceva nanahetu ca dhammo uppajjati hetupaccayā. Kusalaṁ sahetukañceva na ca hetuṁ dhammaṁ paṭicca naakusalo naahetuko ceva nanahetu ca naabyākato naahetuko ceva nanahetu ca dhammā uppajjanti hetupaccayā … tīṇi.
Akusalaṁ sahetukañceva na ca hetuṁ dhammaṁ paṭicca nakusalo naahetuko ceva nanahetu ca dhammo uppajjati hetupaccayā. Akusalaṁ sahetukañceva na ca hetuṁ dhammaṁ paṭicca naabyākato naahetuko ceva nanahetu ca dhammo uppajjati hetupaccayā. Akusalaṁ sahetukañceva na ca hetuṁ dhammaṁ paṭicca naakusalo naahetuko ceva nanahetu ca naabyākato naahetuko ceva nanahetu ca dhammā uppajjanti hetupaccayā … tīṇi.
Abyākataṁ sahetukañceva na ca hetuṁ dhammaṁ paṭicca nakusalo naahetuko ceva nanahetu ca dhammo uppajjati hetupaccayā. Abyākataṁ sahetukañceva na ca hetuṁ dhammaṁ paṭicca naakusalo naahetuko ceva nanahetu ca dhammo uppajjati hetupaccayā. Abyākataṁ sahetukañceva na ca hetuṁ dhammaṁ paṭicca nakusalo naahetuko ceva nanahetu ca naakusalo naahetuko ceva nanahetu ca dhammā uppajjanti hetupaccayā … tīṇi. (Saṅkhittaṁ.)
Hetuyā nava …pe… vipāke tīṇi …pe… avigate nava.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.