Tam tạng Pāli · Tam tạng Pāli — nguyên bản Pāli (Mahāsaṅgīti) · Luận tạng › Paṭṭhāna
16.17. Kusalattika, Cetasikaduka (PATTHANA16.17)
- Thông tin
- Mã SuttaCentral: PATTHANA16.17
Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.17. Kusalattika, Cetasikaduka
Kusalaṁ cetasikaṁ dhammaṁ paṭicca nakusalo nacetasiko dhammo uppajjati hetupaccayā. Kusalaṁ cetasikaṁ dhammaṁ paṭicca naakusalo nacetasiko dhammo uppajjati hetupaccayā. Kusalaṁ cetasikaṁ dhammaṁ paṭicca naabyākato nacetasiko dhammo uppajjati hetupaccayā. Kusalaṁ cetasikaṁ dhammaṁ paṭicca naakusalo nacetasiko ca naabyākato nacetasiko ca dhammā uppajjanti hetupaccayā. Kusalaṁ cetasikaṁ dhammaṁ paṭicca nakusalo nacetasiko ca naakusalo nacetasiko ca dhammā uppajjanti hetupaccayā … pañca.
Akusalaṁ cetasikaṁ dhammaṁ paṭicca naakusalo nacetasiko dhammo uppajjati hetupaccayā. Akusalaṁ cetasikaṁ dhammaṁ paṭicca nakusalo nacetasiko dhammo uppajjati hetupaccayā. Akusalaṁ cetasikaṁ dhammaṁ paṭicca naabyākato nacetasiko dhammo uppajjati hetupaccayā. Akusalaṁ cetasikaṁ dhammaṁ paṭicca nakusalo nacetasiko ca naabyākato nacetasiko ca dhammā uppajjanti hetupaccayā. Akusalaṁ cetasikaṁ dhammaṁ paṭicca nakusalo nacetasiko ca naakusalo nacetasiko ca dhammā uppajjanti hetupaccayā … pañca.
Abyākataṁ cetasikaṁ dhammaṁ paṭicca nakusalo nacetasiko dhammo uppajjati hetupaccayā. Abyākataṁ cetasikaṁ dhammaṁ paṭicca naakusalo nacetasiko dhammo uppajjati hetupaccayā. Abyākataṁ cetasikaṁ dhammaṁ paṭicca nakusalo nacetasiko ca naakusalo nacetasiko ca dhammā uppajjanti hetupaccayā … tīṇi. (Saṅkhittaṁ.)
Hetuyā terasa, ārammaṇe nava …pe… vipāke tīṇi …pe… avigate terasa.
Acetasike hetuyā nava …pe… vipāke tīṇi …pe… avigate nava.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.