Tam tạng Pāli · Tam tạng Pāli — nguyên bản Pāli (Mahāsaṅgīti) · Luận tạng › Paṭṭhāna
14.5. Hetuhetusampayuttaduka (PATTHANA14.5)
- Thông tin
- Mã SuttaCentral: PATTHANA14.5
Paṭṭhānapakaraṇa
Dhammānulomapaccanīya (3), Dukapaṭṭhānapāḷi (2)
14.5. Hetuhetusampayuttaduka
Hetuñceva hetusampayuttañca dhammaṁ paṭicca nahetu ceva nahetuvippayutto ca dhammo uppajjati hetupaccayā. Hetuñceva hetusampayuttañca dhammaṁ paṭicca nahetuvippayutto ceva nanahetu ca dhammo uppajjati hetupaccayā. Hetuñceva hetusampayuttañca dhammaṁ paṭicca nahetu ceva nahetuvippayutto ca nahetuvippayutto ceva nanahetu ca dhammā uppajjanti hetupaccayā.
Hetusampayuttañceva na ca hetuṁ dhammaṁ paṭicca nahetuvippayutto ceva nanahetu ca dhammo uppajjati hetupaccayā. Hetusampayuttañceva na ca hetuṁ dhammaṁ paṭicca nahetu ceva nahetuvippayutto ca dhammo uppajjati hetupaccayā. Hetusampayuttañceva na ca hetuṁ dhammaṁ paṭicca nahetu ceva nahetuvippayutto ca nahetuvippayutto ceva nanahetu ca dhammā uppajjanti hetupaccayā.
Hetuñceva hetusampayuttañca hetusampayuttañceva na ca hetuñca dhammaṁ paṭicca nahetu ceva nahetuvippayutto ca dhammo uppajjati hetupaccayā. Hetuñceva hetusampayuttañca hetusampayuttañceva na ca hetuñca dhammaṁ paṭicca nahetuvippayutto ceva nanahetu dhammo ca uppajjati hetupaccayā. Hetuñceva hetusampayuttañca hetusampayuttañceva na ca hetuñca dhammaṁ paṭicca nahetu ceva nahetuvippayutto ca nahetuvippayutto ceva nanahetu ca dhammā uppajjanti hetupaccayā. (Saṅkhittaṁ.)
Hetuyā nava …pe… avigate nava. (Sahajātavārampi …pe… pañhāvārampi vitthāretabbaṁ.)
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.