1.2. Kusalattika (PATTHANA1.2)

Jhāna

Kusalo dhammo kusalassa dhammassa jhānapaccayena paccayo—kusalāni jhānaṅgāni sampayuttakānaṁ khandhānaṁ jhānapaccayena paccayo.

Kusalo dhammo abyākatassa dhammassa jhānapaccayena paccayo—kusalāni jhānaṅgāni cittasamuṭṭhānānaṁ rūpānaṁ jhānapaccayena paccayo.

Kusalo dhammo kusalassa ca abyākatassa ca dhammassa jhānapaccayena paccayo— kusalāni jhānaṅgāni sampayuttakānaṁ khandhānaṁ cittasamuṭṭhānānañca rūpānaṁ jhānapaccayena paccayo.

Akusalo dhammo akusalassa dhammassa jhānapaccayena paccayo—akusalāni jhānaṅgāni sampayuttakānaṁ khandhānaṁ jhānapaccayena paccayo.

Akusalo dhammo abyākatassa dhammassa jhānapaccayena paccayo—akusalāni jhānaṅgāni cittasamuṭṭhānānaṁ rūpānaṁ jhānapaccayena paccayo.

Akusalo dhammo akusalassa ca abyākatassa ca dhammassa jhānapaccayena paccayo— akusalāni jhānaṅgāni sampayuttakānaṁ khandhānaṁ cittasamuṭṭhānānañca rūpānaṁ jhānapaccayena paccayo.

Abyākato dhammo abyākatassa dhammassa jhānapaccayena paccayo—vipākābyākatāni kiriyābyākatāni jhānaṅgāni sampayuttakānaṁ khandhānaṁ cittasamuṭṭhānānañca rūpānaṁ jhānapaccayena paccayo. Paṭisandhikkhaṇe vipākābyākatāni jhānaṅgāni sampayuttakānaṁ khandhānaṁ kaṭattā ca rūpānaṁ jhānapaccayena paccayo.

Magga

Kusalo dhammo kusalassa dhammassa maggapaccayena paccayo—kusalāni maggaṅgāni sampayuttakānaṁ khandhānaṁ maggapaccayena paccayo.

Kusalo dhammo abyākatassa dhammassa maggapaccayena paccayo—kusalāni maggaṅgāni cittasamuṭṭhānānaṁ rūpānaṁ maggapaccayena paccayo.

Kusalo dhammo kusalassa ca abyākatassa ca dhammassa maggapaccayena paccayo— kusalāni maggaṅgāni sampayuttakānaṁ khandhānaṁ cittasamuṭṭhānānañca rūpānaṁ maggapaccayena paccayo.

Akusalo dhammo akusalassa dhammassa maggapaccayena paccayo—akusalāni maggaṅgāni sampayuttakānaṁ khandhānaṁ maggapaccayena paccayo.

Akusalo dhammo abyākatassa dhammassa maggapaccayena paccayo—akusalāni maggaṅgāni cittasamuṭṭhānānaṁ rūpānaṁ maggapaccayena paccayo.

Akusalo dhammo akusalassa ca abyākatassa ca dhammassa maggapaccayena paccayo— akusalāni maggaṅgāni sampayuttakānaṁ khandhānaṁ cittasamuṭṭhānānañca rūpānaṁ maggapaccayena paccayo.

Abyākato dhammo abyākatassa dhammassa maggapaccayena paccayo—vipākābyākatāni kiriyābyākatāni maggaṅgāni sampayuttakānaṁ khandhānaṁ cittasamuṭṭhānānañca rūpānaṁ maggapaccayena paccayo. Paṭisandhikkhaṇe vipākābyākatāni maggaṅgāni sampayuttakānaṁ khandhānaṁ kaṭattā ca rūpānaṁ maggapaccayena paccayo.

Sampayutta

Kusalo dhammo kusalassa dhammassa sampayuttapaccayena paccayo—kusalo eko khandho tiṇṇannaṁ khandhānaṁ sampayuttapaccayena paccayo. Tayo khandhā ekassa khandhassa sampayuttapaccayena paccayo. Dve khandhā dvinnaṁ khandhānaṁ sampayuttapaccayena paccayo.

Akusalo dhammo akusalassa dhammassa sampayuttapaccayena paccayo—akusalo eko khandho tiṇṇannaṁ khandhānaṁ sampayuttapaccayena paccayo. Tayo khandhā ekassa khandhassa sampayuttapaccayena paccayo. Dve khandhā dvinnaṁ khandhānaṁ sampayuttapaccayena paccayo.

Abyākato dhammo abyākatassa dhammassa sampayuttapaccayena paccayo— vipākābyākato kiriyābyākato eko khandho tiṇṇannaṁ khandhānaṁ sampayuttapaccayena paccayo. Tayo khandhā ekassa khandhassa sampayuttapaccayena paccayo. Dve khandhā dvinnaṁ khandhānaṁ sampayuttapaccayena paccayo. Paṭisandhikkhaṇe vipākābyākato eko khandho tiṇṇannaṁ khandhānaṁ sampayuttapaccayena paccayo. Tayo khandhā ekassa khandhassa sampayuttapaccayena paccayo. Dve khandhā dvinnaṁ khandhānaṁ sampayuttapaccayena paccayo.

Vippayutta

Kusalo dhammo abyākatassa dhammassa vippayuttapaccayena paccayo—sahajātaṁ, pacchājātaṁ. Sahajātā—kusalā khandhā cittasamuṭṭhānānaṁ rūpānaṁ vippayuttapaccayena paccayo. Pacchājātā—kusalā khandhā purejātassa imassa kāyassa vippayuttapaccayena paccayo.

Akusalo dhammo abyākatassa dhammassa vippayuttapaccayena paccayo—sahajātaṁ, pacchājātaṁ. Sahajātā—akusalā khandhā cittasamuṭṭhānānaṁ rūpānaṁ vippayuttapaccayena paccayo. Pacchājātā—akusalā khandhā purejātassa imassa kāyassa vippayuttapaccayena paccayo.

Abyākato dhammo abyākatassa dhammassa vippayuttapaccayena paccayo—sahajātaṁ, purejātaṁ, pacchājātaṁ. Sahajātā—vipākābyākatā kiriyābyākatā khandhā cittasamuṭṭhānānaṁ rūpānaṁ vippayuttapaccayena paccayo. Paṭisandhikkhaṇe vipākābyākatā khandhā kaṭattārūpānaṁ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṁ vippayuttapaccayena paccayo. Purejātaṁ—cakkhāyatanaṁ cakkhuviññāṇassa vippayuttapaccayena paccayo. Sotāyatanaṁ sotaviññāṇassa vippayuttapaccayena paccayo. Ghānāyatanaṁ ghānaviññāṇassa vippayuttapaccayena paccayo. Jivhāyatanaṁ jivhāviññāṇassa vippayuttapaccayena paccayo. Kāyāyatanaṁ kāyaviññāṇassa vippayuttapaccayena paccayo. Vatthu vipākābyākatānaṁ kiriyābyākatānaṁ khandhānaṁ vippayuttapaccayena paccayo. Pacchājātā—vipākābyākatā kiriyābyākatā khandhā purejātassa imassa kāyassa vippayuttapaccayena paccayo.

Abyākato dhammo kusalassa dhammassa vippayuttapaccayena paccayo. Purejātaṁ—vatthu kusalānaṁ khandhānaṁ vippayuttapaccayena paccayo.

Abyākato dhammo akusalassa dhammassa vippayuttapaccayena paccayo. Purejātaṁ—vatthu akusalānaṁ khandhānaṁ vippayuttapaccayena paccayo.

Atthi

Kusalo dhammo kusalassa dhammassa atthipaccayena paccayo—kusalo eko khandho tiṇṇannaṁ khandhānaṁ atthipaccayena paccayo. Tayo khandhā ekassa khandhassa atthipaccayena paccayo. Dve khandhā dvinnaṁ khandhānaṁ atthipaccayena paccayo.

Kusalo dhammo abyākatassa dhammassa atthipaccayena paccayo—sahajātaṁ, pacchājātaṁ. Sahajātā—kusalā khandhā cittasamuṭṭhānānaṁ rūpānaṁ atthipaccayena paccayo. Pacchājātā—kusalā khandhā purejātassa imassa kāyassa atthipaccayena paccayo.

Kusalo dhammo kusalassa ca abyākatassa ca dhammassa atthipaccayena paccayo— kusalo eko khandho tiṇṇannaṁ khandhānaṁ cittasamuṭṭhānānañca rūpānaṁ atthipaccayena paccayo. Tayo khandhā ekassa khandhassa cittasamuṭṭhānānañca rūpānaṁ atthipaccayena paccayo. Dve khandhā dvinnaṁ khandhānaṁ cittasamuṭṭhānānañca rūpānaṁ atthipaccayena paccayo.

Akusalo dhammo akusalassa dhammassa atthipaccayena paccayo—akusalo eko khandho tiṇṇannaṁ khandhānaṁ atthipaccayena paccayo. Tayo khandhā ekassa khandhassa atthipaccayena paccayo. Dve khandhā dvinnaṁ khandhānaṁ atthipaccayena paccayo.

Akusalo dhammo abyākatassa dhammassa atthipaccayena paccayo—sahajātaṁ, pacchājātaṁ. Sahajātā—akusalā khandhā cittasamuṭṭhānānaṁ rūpānaṁ atthipaccayena paccayo. Pacchājātā—akusalā khandhā purejātassa imassa kāyassa atthipaccayena paccayo.

Akusalo dhammo akusalassa ca abyākatassa ca dhammassa atthipaccayena paccayo— akusalo eko khandho tiṇṇannaṁ khandhānaṁ cittasamuṭṭhānānañca rūpānaṁ atthipaccayena paccayo. Tayo khandhā ekassa khandhassa cittasamuṭṭhānānañca rūpānaṁ atthipaccayena paccayo. Dve khandhā dvinnaṁ khandhānaṁ cittasamuṭṭhānānañca rūpānaṁ atthipaccayena paccayo.

Abyākato dhammo abyākatassa dhammassa atthipaccayena paccayo—sahajātaṁ, purejātaṁ, pacchājātaṁ, āhāraṁ, indriyaṁ. Sahajāto—vipākābyākato kiriyābyākato eko khandho tiṇṇannaṁ khandhānaṁ cittasamuṭṭhānānañca rūpānaṁ atthipaccayena paccayo. Tayo khandhā ekassa khandhassa cittasamuṭṭhānānañca rūpānaṁ atthipaccayena paccayo. Dve khandhā dvinnaṁ khandhānaṁ cittasamuṭṭhānānañca rūpānaṁ atthipaccayena paccayo. Paṭisandhikkhaṇe vipākābyākato eko khandho tiṇṇannaṁ khandhānaṁ kaṭattā ca rūpānaṁ atthipaccayena paccayo. Tayo khandhā ekassa khandhassa kaṭattā ca rūpānaṁ atthipaccayena paccayo. Dve khandhā dvinnaṁ khandhānaṁ kaṭattā ca rūpānaṁ atthipaccayena paccayo. Khandhā vatthussa atthipaccayena paccayo. Vatthu khandhānaṁ atthipaccayena paccayo. Ekaṁ mahābhūtaṁ tiṇṇannaṁ mahābhūtānaṁ atthipaccayena paccayo. Tayo mahābhūtā ekassa mahābhūtassa atthipaccayena paccayo. Dve mahābhūtā dvinnaṁ mahābhūtānaṁ atthipaccayena paccayo. Mahābhūtā cittasamuṭṭhānānaṁ rūpānaṁ kaṭattārūpānaṁ upādārūpānaṁ atthipaccayena paccayo. Bāhiraṁ … āhārasamuṭṭhānaṁ … utusamuṭṭhānaṁ … asaññasattānaṁ ekaṁ mahābhūtaṁ tiṇṇannaṁ mahābhūtānaṁ atthipaccayena paccayo. Tayo mahābhūtā ekassa mahābhūtassa atthipaccayena paccayo. Dve mahābhūtā dvinnaṁ mahābhūtānaṁ atthipaccayena paccayo. Mahābhūtā kaṭattārūpānaṁ upādārūpānaṁ atthipaccayena paccayo.

Purejātaṁ—arahā cakkhuṁ aniccato dukkhato anattato vipassati … sotaṁ …pe… ghānaṁ …pe… jivhaṁ …pe… kāyaṁ …pe… rūpe …pe… sadde …pe… gandhe …pe… rase …pe… phoṭṭhabbe …pe… vatthuṁ aniccato dukkhato anattato vipassati, dibbena cakkhunā rūpaṁ passati; dibbāya sotadhātuyā saddaṁ suṇāti. Rūpāyatanaṁ cakkhuviññāṇassa atthipaccayena paccayo. Saddāyatanaṁ …pe… phoṭṭhabbāyatanaṁ kāyaviññāṇassa atthipaccayena paccayo. Cakkhāyatanaṁ cakkhuviññāṇassa atthipaccayena paccayo. Sotāyatanaṁ sotaviññāṇassa …pe… ghānāyatanaṁ ghānaviññāṇassa …pe… jivhāyatanaṁ jivhāviññāṇassa …pe… kāyāyatanaṁ kāyaviññāṇassa atthipaccayena paccayo. Vatthu vipākābyākatānaṁ kiriyābyākatānaṁ khandhānaṁ atthipaccayena paccayo. Pacchājātā—vipākābyākatā kiriyābyākatā khandhā purejātassa imassa kāyassa atthipaccayena paccayo. Kabaḷīkāro āhāro—imassa kāyassa atthipaccayena paccayo. Rūpajīvitindriyaṁ—kaṭattārūpānaṁ atthipaccayena paccayo.

Abyākato dhammo kusalassa dhammassa atthipaccayena paccayo. Purejātaṁ—sekkhā vā puthujjanā vā cakkhuṁ aniccato dukkhato anattato vipassanti … sotaṁ …pe… ghānaṁ …pe… jivhaṁ …pe… kāyaṁ …pe… rūpe …pe… sadde …pe… gandhe …pe… rase …pe… phoṭṭhabbe …pe… vatthuṁ aniccato dukkhato anattato vipassanti, dibbena cakkhunā rūpaṁ passanti, dibbāya sotadhātuyā saddaṁ suṇanti. Vatthu kusalānaṁ khandhānaṁ atthipaccayena paccayo.

Abyākato dhammo akusalassa dhammassa atthipaccayena paccayo. Purejātaṁ—cakkhuṁ assādeti, abhinandati; taṁ ārabbha rāgo uppajjati, diṭṭhi uppajjati, vicikicchā uppajjati, uddhaccaṁ uppajjati, domanassaṁ uppajjati. Sotaṁ …pe… ghānaṁ …pe… jivhaṁ …pe… kāyaṁ …pe… rūpe …pe… sadde …pe… gandhe …pe… rase …pe… phoṭṭhabbe …pe… vatthuṁ assādeti, abhinandati; taṁ ārabbha rāgo uppajjati …pe… domanassaṁ uppajjati. Vatthu akusalānaṁ khandhānaṁ atthipaccayena paccayo.

Kusalo ca abyākato ca dhammā kusalassa dhammassa atthipaccayena paccayo— sahajātaṁ, purejātaṁ. Sahajāto—kusalo eko khandho ca vatthu ca tiṇṇannaṁ khandhānaṁ atthipaccayena paccayo …pe… dve khandhā ca vatthu ca dvinnaṁ khandhānaṁ atthipaccayena paccayo.

Kusalo ca abyākato ca dhammā abyākatassa dhammassa atthipaccayena paccayo— sahajātaṁ, pacchājātaṁ, āhāraṁ, indriyaṁ. Sahajātā—kusalā khandhā ca mahābhūtā ca cittasamuṭṭhānānaṁ rūpānaṁ atthipaccayena paccayo. Pacchājātā—kusalā khandhā ca kabaḷīkāro āhāro ca imassa kāyassa atthipaccayena paccayo. Pacchājātā kusalā khandhā ca rūpajīvitindriyañca kaṭattārūpānaṁ atthipaccayena paccayo.

Akusalo ca abyākato ca dhammā akusalassa dhammassa atthipaccayena paccayo— sahajātaṁ, purejātaṁ. Sahajāto—akusalo eko khandho ca vatthu ca tiṇṇannaṁ khandhānaṁ atthipaccayena paccayo. Tayo khandhā ca vatthu ca ekassa khandhassa atthipaccayena paccayo. Dve khandhā ca vatthu ca dvinnaṁ khandhānaṁ atthipaccayena paccayo.

Akusalo ca abyākato ca dhammā abyākatassa dhammassa atthipaccayena paccayo— sahajātaṁ, pacchājātaṁ, āhāraṁ, indriyaṁ. Sahajātā—akusalā khandhā ca mahābhūtā ca cittasamuṭṭhānānaṁ rūpānaṁ atthipaccayena paccayo. Pacchājātā—akusalā khandhā ca kabaḷīkāro āhāro ca imassa kāyassa atthipaccayena paccayo. Pacchājātā—akusalā khandhā ca rūpajīvitindriyañca kaṭattārūpānaṁ atthipaccayena paccayo.

Natthi

Kusalo dhammo kusalassa dhammassa natthipaccayena paccayo—purimā purimā kusalā khandhā pacchimānaṁ pacchimānaṁ kusalānaṁ khandhānaṁ natthipaccayena paccayo. (Saṅkhittaṁ.)

Yathā anantarapaccayaṁ, evaṁ vitthāretabbaṁ.

Vigata

Kusalo dhammo kusalassa dhammassa vigatapaccayena paccayo—purimā purimā kusalā khandhā pacchimānaṁ pacchimānaṁ kusalānaṁ khandhānaṁ vigatapaccayena paccayo. (Saṅkhittaṁ.)

Yathā anantarapaccayaṁ, evaṁ vitthāretabbaṁ.

Avigata

Kusalo dhammo kusalassa dhammassa avigatapaccayena paccayo—kusalo eko khandho tiṇṇannaṁ khandhānaṁ avigatapaccayena paccayo. Tayo khandhā ekassa khandhassa avigatapaccayena paccayo. Dve khandhā dvinnaṁ khandhānaṁ avigatapaccayena paccayo. (Saṅkhittaṁ.)

Yathā atthipaccayaṁ, evaṁ vitthāretabbaṁ.

Pañhāvārassa vibhaṅgo.

Suddha

Hetuyā satta, ārammaṇe nava, adhipatiyā dasa, anantare satta, samanantare satta, sahajāte nava, aññamaññe tīṇi, nissaye terasa, upanissaye nava, purejāte tīṇi, pacchājāte tīṇi, āsevane tīṇi, kamme satta, vipāke ekaṁ, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā satta, vigate satta, avigate terasa.

Hetusabhāga

Hetupaccayā adhipatiyā cattāri, sahajāte satta, aññamaññe tīṇi, nissaye satta, vipāke ekaṁ, indriye cattāri, magge cattāri, sampayutte tīṇi, vippayutte tīṇi, atthiyā satta, avigate satta.

Hetusāmaññaghaṭanā

Hetu sahajāta nissaya atthi avigatanti satta. Hetu sahajāta aññamañña nissaya atthi avigatanti tīṇi. Hetu sahajāta aññamañña nissaya sampayutta atthi avigatanti tīṇi. Hetu sahajāta nissaya vippayutta atthi avigatanti tīṇi. [Avipāka—4]

Hetu sahajāta nissaya vipāka atthi avigatanti ekaṁ. Hetu sahajāta aññamañña nissaya vipāka atthi avigatanti ekaṁ. Hetu sahajāta aññamañña nissaya vipāka sampayutta atthi avigatanti ekaṁ. Hetu sahajāta nissaya vipāka vippayutta atthi avigatanti ekaṁ. Hetu sahajāta aññamañña nissaya vipāka vippayutta atthi avigatanti ekaṁ. [Savipāka—5]

Saindriyamaggaghaṭanā

Hetu sahajāta nissaya indriya magga atthi avigatanti cattāri. Hetu sahajāta aññamañña nissaya indriya magga atthi avigatanti dve. Hetu sahajāta aññamañña nissaya indriya magga sampayutta atthi avigatanti dve. Hetu sahajāta nissaya indriya magga vippayutta atthi avigatanti dve. [Avipāka—4]

Hetu sahajāta nissaya vipāka indriya magga atthi avigatanti ekaṁ. Hetu sahajāta aññamañña nissaya vipāka indriya magga atthi avigatanti ekaṁ. Hetu sahajāta aññamañña nissaya vipāka indriya magga sampayutta atthi avigatanti ekaṁ. Hetu sahajāta nissaya vipākaindriya magga vippayutta atthi avigatanti ekaṁ. Hetu sahajāta aññamañña nissaya vipāka indriya magga vippayutta atthi avigatanti ekaṁ. [Savipāka—5]

Sādhipati-indriya-maggaghaṭanā

Hetādhipati sahajāta nissaya indriya magga atthi avigatanti cattāri. Hetādhipati sahajāta aññamañña nissaya indriya magga sampayutta atthi avigatanti dve. Hetādhipati sahajāta nissaya indriya magga vippayutta atthi avigatanti dve. [Avipāka—3]

Hetādhipati sahajāta nissaya vipāka indriya magga atthi avigatanti ekaṁ. Hetādhipati sahajāta aññamañña nissaya vipāka indriya magga sampayutta atthi avigatanti ekaṁ. Hetādhipati sahajāta nissaya vipāka indriya magga vippayutta atthi avigatanti ekaṁ. [Savipāka—3]

Hetumūlakaṁ.

Ārammaṇasabhāga

Ārammaṇapaccayā adhipatiyā satta, nissaye tīṇi, upanissaye satta, purejāte tīṇi, vippayutte tīṇi, atthiyā tīṇi, avigate tīṇi.

Ārammaṇaghaṭanā

Ārammaṇādhipati upanissayanti satta. Ārammaṇa purejāta atthi avigatanti tīṇi. Ārammaṇa nissaya purejāta vippayutta atthi avigatanti tīṇi. Ārammaṇādhipati upanissaya purejāta atthi avigatanti ekaṁ. Ārammaṇādhipati nissaya upanissaya purejāta vippayutta atthi avigatanti ekaṁ.

Ārammaṇamūlakaṁ.

Adhipatisabhāga

Adhipatipaccayā hetuyā cattāri, ārammaṇe satta, sahajāte satta, aññamaññe tīṇi, nissaye aṭṭha, upanissaye satta, purejāte ekaṁ, vipāke ekaṁ, āhāre satta, indriye satta, magge satta, sampayutte tīṇi, vippayutte cattāri, atthiyā aṭṭha, avigate aṭṭha.

Adhipatimissakaghaṭanā

Adhipati atthi avigatanti aṭṭha. Adhipati nissaya atthi avigatanti aṭṭha. Adhipati nissaya vippayutta atthi avigatanti cattāri.

Pakiṇṇakaghaṭanā

Adhipati ārammaṇūpanissayanti satta. Adhipati ārammaṇūpanissaya purejāta atthi avigatanti ekaṁ. Adhipati ārammaṇa nissaya upanissaya purejāta vippayutta atthi avigatanti ekaṁ.

Sahajātachandādhipatighaṭanā

Adhipati sahajāta nissaya atthi avigatanti satta. Adhipati sahajāta aññamañña nissaya sampayutta atthi avigatanti tīṇi. Adhipati sahajāta nissaya vippayutta atthi avigatanti tīṇi. [Avipāka—3]

Adhipati sahajāta nissaya vipāka atthi avigatanti ekaṁ. Adhipati sahajāta aññamañña nissaya vipāka sampayutta atthi avigatanti ekaṁ. Adhipati sahajāta nissaya vipāka vippayutta atthi avigatanti ekaṁ. [Savipāka—3]

Cittādhipatighaṭanā

Adhipati sahajāta nissaya āhāra indriya atthi avigatanti satta. Adhipati sahajāta aññamañña nissaya āhāra indriya sampayutta atthi avigatanti tīṇi. Adhipati sahajāta nissaya āhāra indriya vippayutta atthi avigatanti tīṇi. [Avipāka—3]

Adhipati sahajāta nissaya vipāka āhāra indriya atthi avigatanti ekaṁ. Adhipati sahajāta aññamañña nissaya vipāka āhāra indriya sampayutta atthi avigatanti ekaṁ. Adhipati sahajāta nissaya vipāka āhāra indriya vippayutta atthi avigatanti ekaṁ. [Savipāka—3]

Vīriyādhipatighaṭanā

Adhipati sahajāta nissaya indriya magga atthi avigatanti satta. Adhipati sahajāta aññamañña nissaya indriya magga sampayutta atthi avigatanti tīṇi. Adhipati sahajāta nissaya indriya magga vippayutta atthi vigatanti tīṇi. [Avipāka—3]

Adhipati sahajāta nissaya vipāka indriya magga atthi avigatanti ekaṁ. Adhipati sahajāta aññamañña nissaya vipāka indriya magga sampayutta atthi avigatanti ekaṁ. Adhipati sahajāta nissaya vipāka indriya magga vippayutta atthi avigatanti ekaṁ. [Savipāka—3]

Vīmaṁsādhipatighaṭanā

Adhipati hetu sahajāta nissaya indriya magga atthi avigatanti cattāri. Adhipati hetu sahajāta aññamañña nissaya indriya magga sampayutta atthi avigatanti dve. Adhipati hetu sahajāta nissaya indriya magga vippayutta atthi avigatanti dve. [Avipāka—3]

Adhipati hetu sahajāta nissaya vipāka indriya magga atthi avigatanti ekaṁ. Adhipati hetu sahajāta aññamañña nissaya vipāka indriya magga sampayutta atthi avigatanti ekaṁ. Adhipati hetu sahajāta nissaya vipāka indriya magga vippayutta atthi avigatanti ekaṁ. [Savipāka—3]

Adhipatimūlakaṁ.

Anantarasabhāga

Anantarapaccayā samanantare satta, upanissaye satta, āsevane tīṇi, kamme ekaṁ, natthiyā satta, vigate satta.

Anantaraghaṭanā

Anantara samanantara upanissaya natthi vigatanti satta. Anantara samanantara upanissaya āsevana natthi vigatanti tīṇi. Anantara samanantara upanissaya kamma natthi vigatanti ekaṁ.

Anantaramūlakaṁ.

Samanantarasabhāga

Samanantarapaccayā anantare satta, upanissaye satta, āsevane tīṇi, kamme ekaṁ, natthiyā satta, vigate satta.

Samanantaraghaṭanā

Samanantara anantara upanissaya natthi vigatanti satta. Samanantara anantara upanissaya āsevana natthi vigatanti tīṇi. Samanantara anantara upanissaya kamma natthi vigatanti ekaṁ.

Samanantaramūlakaṁ.

Sahajātasabhāga

Sahajātapaccayā hetuyā satta, adhipatiyā satta, aññamaññe tīṇi, nissaye nava, kamme satta, vipāke ekaṁ, āhāre satta, indriye satta, jhāne satta, magge satta, sampayutte tīṇi, vippayutte tīṇi, atthiyā nava, avigate nava.

Sahajātaghaṭanā

Sahajāta nissaya atthi avigatanti nava. Sahajāta aññamañña nissaya atthi avigatanti tīṇi. Sahajāta aññamañña nissaya sampayutta atthi avigatanti tīṇi. Sahajāta nissaya vippayutta atthi avigatanti tīṇi. Sahajāta aññamañña nissaya vippayutta atthi avigatanti ekaṁ. [Avipāka—5]

Sahajāta nissaya vipāka atthi avigatanti ekaṁ. Sahajāta aññamañña nissaya vipāka atthi avigatanti ekaṁ. Sahajāta aññamañña nissaya vipāka sampayutta atthi avigatanti ekaṁ. Sahajāta nissaya vipāka vippayutta atthi avigatanti ekaṁ. Sahajāta aññamañña nissaya vipāka vippayutta atthi avigatanti ekaṁ. [Savipāka—5]

Sahajātamūlakaṁ.

Aññamaññasabhāga

Aññamaññapaccayā hetuyā tīṇi, adhipatiyā tīṇi, sahajāte tīṇi, nissaye tīṇi, kamme tīṇi, vipāke ekaṁ, āhāre tīṇi, indriye tīṇi, jhāne tīṇi, magge tīṇi, sampayutte tīṇi, vippayutte ekaṁ, atthiyā tīṇi, avigate tīṇi.

Aññamaññaghaṭanā

Aññamañña sahajāta nissaya atthi avigatanti tīṇi. Aññamañña sahajāta nissaya sampayutta atthi avigatanti tīṇi. Aññamañña sahajāta nissaya vippayutta atthi avigatanti ekaṁ. [Avipāka—3]

Aññamañña sahajāta nissaya vipāka atthi avigatanti ekaṁ. Aññamañña sahajāta nissaya vipāka sampayutta atthi avigatanti ekaṁ. Aññamañña sahajāta nissaya vipāka vippayutta atthi avigatanti ekaṁ. [Savipāka—3]

Aññamaññamūlakaṁ.

Nissayasabhāga

Nissayapaccayā hetuyā satta, ārammaṇe tīṇi, adhipatiyā aṭṭha, sahajāte nava, aññamaññe tīṇi, upanissaye ekaṁ, purejāte tīṇi, kamme satta, vipāke ekaṁ, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, avigate terasa.

Nissayamissakaghaṭanā

Nissaya atthi avigatanti terasa. Nissaya adhipati atthi avigatanti aṭṭha. Nissaya indriya atthi avigatanti satta. Nissaya vippayutta atthi avigatanti pañca. Nissaya adhipati vippayutta atthi avigatanti cattāri. Nissaya indriya vippayutta atthi avigatanti tīṇi.

Pakiṇṇakaghaṭanā

Nissaya purejāta vippayutta atthi avigatanti tīṇi. Nissaya ārammaṇa purejāta vippayutta atthi avigatanti tīṇi. Nissaya ārammaṇādhipati upanissaya purejāta vippayutta atthi avigatanti ekaṁ. Nissaya purejāta indriya vippayutta atthi avigatanti ekaṁ.

Sahajātaghaṭanā

Nissaya sahajāta atthi avigatanti nava. Nissaya sahajāta aññamañña atthi avigatanti tīṇi. Nissaya sahajāta aññamañña sampayutta atthi avigatanti tīṇi. Nissaya sahajāta vippayutta atthi avigatanti tīṇi. Nissaya sahajāta aññamañña vippayutta atthi avigatanti ekaṁ. [Avipāka—5]

Nissaya sahajāta vipāka atthi avigatanti ekaṁ. Nissaya sahajāta aññamañña vipāka atthi avigatanti ekaṁ. Nissaya sahajāta aññamañña vipāka sampayutta atthi avigatanti ekaṁ. Nissaya sahajāta vipāka vippayutta atthi avigatanti ekaṁ. Nissaya sahajāta aññamañña vipāka vippayutta atthi avigatanti ekaṁ. [Savipāka—5]

Nissayamūlakaṁ.

Upanissayasabhāga

Upanissayapaccayā ārammaṇe satta, adhipatiyā satta, anantare satta, samanantare satta, nissaye ekaṁ, purejāte ekaṁ, āsevane tīṇi, kamme dve, vippayutte ekaṁ, atthiyā ekaṁ, natthiyā satta, vigate satta, avigate ekaṁ.

Upanissayaghaṭanā

Upanissaya ārammaṇādhipatīti satta. Upanissaya ārammaṇādhipati purejāta atthi avigatanti ekaṁ. Upanissaya ārammaṇādhipati nissaya purejāta vippayutta atthi avigatanti ekaṁ. Upanissaya anantara samanantara natthi vigatanti satta. Upanissaya anantara samanantara āsevana natthi vigatanti tīṇi. Upanissaya kammanti dve. Upanissaya anantara samanantara kamma natthi vigatanti ekaṁ.

Upanissayamūlakaṁ.

Purejātasabhāga

Purejātapaccayā ārammaṇe tīṇi, adhipatiyā ekaṁ, nissaye tīṇi, upanissaye ekaṁ, indriye ekaṁ, vippayutte tīṇi, atthiyā tīṇi, avigate tīṇi.

Purejātaghaṭanā

Purejāta atthi avigatanti tīṇi. Purejāta nissaya vippayutta atthi avigatanti tīṇi. Purejāta ārammaṇa atthi avigatanti tīṇi. Purejāta ārammaṇa nissaya vippayutta atthi avigatanti tīṇi. Purejāta ārammaṇādhipati upanissaya atthi avigatanti ekaṁ. Purejāta ārammaṇādhipati nissaya upanissaya vippayutta atthi avigatanti ekaṁ. Purejāta nissaya indriya vippayutta atthi avigatanti ekaṁ.

Purejātamūlakaṁ.

Pacchājātasabhāga

Pacchājātapaccayā vippayutte tīṇi, atthiyā tīṇi, avigate tīṇi.

Pacchājātaghaṭanā

Pacchājāta vippayutta atthi avigatanti tīṇi.

Pacchājātamūlakaṁ.

Āsevanasabhāga

Āsevanapaccayā anantare tīṇi, samanantare tīṇi, upanissaye tīṇi, natthiyā tīṇi, vigate tīṇi.

Āsevanaghaṭanā

Āsevana anantara samanantara upanissaya natthi vigatanti tīṇi.

Āsevanamūlakaṁ.

Kammasabhāga

Kammapaccayā anantare ekaṁ, samanantare ekaṁ, sahajāte satta, aññamaññe tīṇi, nissaye satta, upanissaye dve, vipāke ekaṁ, āhāre satta, sampayutte tīṇi, vippayutte tīṇi, atthiyā satta, natthiyā ekaṁ, vigate ekaṁ, avigate satta.

Kammapakiṇṇakaghaṭanā

Kamma upanissayanti dve. Kamma anantara samanantara upanissaya natthi vigatanti ekaṁ.

Sahajātaghaṭanā

Kamma sahajāta nissaya āhāra atthi avigatanti satta. Kamma sahajāta aññamañña nissaya āhāra atthi avigatanti tīṇi. Kamma sahajāta aññamañña nissaya āhāra sampayutta atthi avigatanti tīṇi. Kamma sahajāta nissaya āhāra vippayutta atthi avigatanti tīṇi. [Avipāka—4]

Kamma sahajāta nissaya vipāka āhāra atthi avigatanti ekaṁ. Kamma sahajāta aññamañña nissaya vipāka āhāra atthi avigatanti ekaṁ. Kamma sahajāta aññamañña nissaya vipāka āhāra sampayutta atthi avigatanti ekaṁ. Kamma sahajāta nissaya vipāka āhāra vippayutta atthi avigatanti ekaṁ. Kamma sahajāta aññamañña nissaya vipāka āhāra vippayutta atthi avigatanti ekaṁ. [Savipāka—5]

Kammamūlakaṁ.

Vipākasabhāga

Vipākapaccayā hetuyā ekaṁ, adhipatiyā ekaṁ, sahajāte ekaṁ, aññamaññe ekaṁ, nissaye ekaṁ, kamme ekaṁ, āhāre ekaṁ, indriye ekaṁ, jhāne ekaṁ, magge ekaṁ, sampayutte ekaṁ, vippayutte ekaṁ, atthiyā ekaṁ, avigate ekaṁ.

Vipākaghaṭanā

Vipāka sahajāta nissaya atthi avigatanti ekaṁ. Vipāka sahajātaaññamañña nissaya atthi avigatanti ekaṁ. Vipāka sahajāta aññamañña nissaya sampayutta atthi avigatanti ekaṁ. Vipāka sahajāta nissaya vippayutta atthi avigatanti ekaṁ. Vipāka sahajāta aññamañña nissaya vippayutta atthi avigatanti ekaṁ.

Vipākamūlakaṁ.

Āhārasabhāga

Āhārapaccayā adhipatiyā satta, sahajāte satta, aññamaññe tīṇi, nissaye satta, kamme satta, vipāke ekaṁ, indriye satta, sampayutte tīṇi, vippayutte tīṇi, atthiyā satta, avigate satta.

Āhāramissakaghaṭanā

Āhāra atthi avigatanti satta.

Sahajātasāmaññaghaṭanā

Āhāra sahajāta nissaya atthi avigatanti satta. Āhāra sahajāta aññamañña nissaya atthi avigatanti tīṇi. Āhāra sahajāta aññamañña nissaya sampayutta atthi avigatanti tīṇi. Āhāra sahajāta nissaya vippayutta atthi avigatanti tīṇi. [Avipāka—4]

Āhāra sahajāta nissaya vipāka atthi avigatanti ekaṁ. Āhārasahajāta aññamañña nissaya vipāka atthi avigatanti ekaṁ. Āhāra sahajāta aññamañña nissaya vipāka sampayutta atthi avigatanti ekaṁ. Āhāra sahajāta nissaya vipāka vippayutta atthi avigatanti ekaṁ. Āhāra sahajāta aññamañña nissaya vipāka vippayutta atthi avigatanti ekaṁ. [Savipāka—5]

Sakammaghaṭanā

Āhāra sahajāta nissaya kamma atthi avigatanti satta. Āhāra sahajāta aññamañña nissaya kamma atthi avigatanti tīṇi. Āhāra sahajāta aññamañña nissaya kamma sampayutta atthi avigatanti tīṇi. Āhāra sahajāta nissaya kamma vippayutta atthi avigatanti tīṇi. [Avipāka—4]

Āhāra sahajāta nissaya kamma vipāka atthi avigatanti ekaṁ. Āhāra sahajāta aññamañña nissaya kamma vipāka atthi avigatanti ekaṁ. Āhāra sahajāta aññamañña nissaya kamma vipāka sampayutta atthi avigatanti ekaṁ. Āhāra sahajāta nissaya kamma vipāka vippayutta atthi avigatanti ekaṁ. Āhāra sahajāta aññamañña nissaya kamma vipāka vippayutta atthi avigatanti ekaṁ. [Savipāka—5]

Saindriyaghaṭanā

Āhāra sahajāta nissaya indriya atthi avigatanti satta. Āhāra sahajāta aññamañña nissaya indriya atthi avigatanti tīṇi. Āhāra sahajāta aññamañña nissaya indriya sampayutta atthi avigatanti tīṇi. Āhāra sahajāta nissaya indriya vippayutta atthi avigatanti tīṇi. [Avipāka—4]

Āhāra sahajāta nissaya vipāka indriya atthi avigatanti ekaṁ. Āhāra sahajāta aññamañña nissaya vipāka indriya atthi avigatanti ekaṁ. Āhāra sahajāta aññamañña nissaya vipāka indriya sampayutta atthi avigatanti ekaṁ. Āhāra sahajāta nissaya vipāka indriya vippayutta atthi avigatanti ekaṁ. Āhāra sahajāta aññamañña nissaya vipāka indriya vippayutta atthi avigatanti ekaṁ. [Savipāka—5]

Sādhipati-indriyaghaṭanā

Āhārādhipati sahajāta nissaya indriya atthi avigatanti satta. Āhārādhipati sahajāta aññamañña nissaya indriya sampayutta atthi avigatanti tīṇi. Āhārādhipati sahajāta nissaya indriya vippayutta atthi avigatanti tīṇi. [Avipāka—3]

Āhārādhipati sahajāta nissaya vipāka indriya atthi avigatanti ekaṁ. Āhārādhipati sahajāta aññamañña nissaya vipāka indriya sampayutta atthi avigatanti ekaṁ. Āhārādhipati sahajāta nissaya vipāka indriya vippayutta atthi avigatanti ekaṁ. [Savipāka—3]

Āhāramūlakaṁ.

Indriyasabhāga

Indriyapaccayā hetuyā cattāri, adhipatiyā satta, sahajāte satta, aññamaññe tīṇi, nissaye satta, purejāte ekaṁ, vipāke ekaṁ, āhāre satta, jhāne satta, magge satta, sampayutte tīṇi, vippayutte tīṇi, atthiyā satta, avigate satta.

Indriyamissakaghaṭanā

Indriya atthi avigatanti satta. Indriya nissaya atthi avigatanti satta. Indriya nissaya vippayutta atthi avigatanti tīṇi.

Pakiṇṇakaghaṭanā

Indriya nissaya purejāta vippayutta atthi avigatanti ekaṁ.

Sahajāta-sāmaññaghaṭanā

Indriya sahajāta nissaya atthi avigatanti satta. Indriya sahajāta aññamañña nissaya atthi avigatanti tīṇi. Indriya sahajāta aññamañña nissaya sampayutta atthi avigatanti tīṇi. Indriya sahajāta nissaya vippayutta atthi avigatanti tīṇi. [Avipāka—4]

Indriya sahajāta nissaya vipāka atthi avigatanti ekaṁ. Indriya sahajāta aññamañña nissaya vipāka atthi avigatanti ekaṁ. Indriya sahajāta aññamañña nissaya vipāka sampayutta atthi avigatanti ekaṁ. Indriya sahajāta nissaya vipāka vippayutta atthi avigatanti ekaṁ. Indriya sahajāta aññamañña nissaya vipāka vippayutta atthi avigatanti ekaṁ. [Savipāka—5]

Samaggaghaṭanā

Indriya sahajāta nissaya magga atthi avigatanti satta. Indriya sahajāta aññamañña nissaya magga atthi avigatanti tīṇi. Indriya sahajāta aññamañña nissaya magga sampayutta atthi avigatanti tīṇi. Indriya sahajāta nissaya magga vippayutta atthi avigatanti tīṇi. [Avipāka—4]

Indriya sahajāta nissaya vipāka magga atthi avigatanti ekaṁ. Indriya sahajāta aññamañña nissaya vipāka magga atthi avigatanti ekaṁ. Indriya sahajāta aññamañña nissaya vipāka magga sampayutta atthi avigatanti ekaṁ. Indriya sahajāta nissaya vipāka magga vippayutta atthi avigatanti ekaṁ. Indriya sahajāta aññamañña nissaya vipāka magga vippayutta atthi avigatanti ekaṁ. [Savipāka—5]

Sajhānaghaṭanā

Indriya sahajāta nissaya jhāna atthi avigatanti satta. Indriya sahajāta aññamañña nissaya jhāna atthi avigatanti tīṇi. Indriya sahajāta aññamañña nissaya jhāna sampayutta atthi avigatanti tīṇi. Indriya sahajāta nissaya jhāna vippayutta atthi avigatanti tīṇi. [Avipāka—4]

Indriya sahajāta nissaya vipāka jhāna atthi avigatanti ekaṁ. Indriya sahajāta aññamañña nissaya vipāka jhāna atthi avigatanti ekaṁ. Indriya sahajāta aññamañña nissaya vipāka jhāna sampayutta atthi avigatanti ekaṁ. Indriya sahajāta nissaya vipāka jhāna vippayutta atthi avigatanti ekaṁ. Indriya sahajāta aññamañña nissaya vipāka jhāna vippayutta atthi avigatanti ekaṁ. [Savipāka—5]

Sajhāna-maggaghaṭanā

Indriya sahajāta nissaya jhāna magga atthi avigatanti satta. Indriya sahajāta aññamañña nissaya jhāna magga atthi avigatanti tīṇi. Indriya sahajāta aññamañña nissaya jhāna magga sampayutta atthi avigatanti tīṇi. Indriya sahajāta nissaya jhāna magga vippayutta atthi avigatanti tīṇi. [Avipāka—4]

Indriya sahajāta nissaya vipāka jhāna magga atthi avigatanti ekaṁ. Indriya sahajāta aññamañña nissaya vipāka jhāna magga atthi avigatanti ekaṁ. Indriya sahajāta aññamañña nissaya vipāka jhāna magga sampayutta atthi avigatanti ekaṁ. Indriya sahajāta nissaya vipāka jhāna magga vippayutta atthi avigatanti ekaṁ. Indriya sahajāta aññamañña nissaya vipāka jhāna magga vippayutta atthi avigatanti ekaṁ. [Savipāka—5]

Sāhāraghaṭanā

Indriya sahajāta nissaya āhāra atthi avigatanti satta. Indriya sahajāta aññamañña nissaya āhāra atthi avigatanti tīṇi. Indriya sahajāta aññamañña nissaya āhāra sampayutta atthi avigatanti tīṇi. Indriya sahajāta nissaya āhāra vippayutta atthi avigatanti tīṇi. [Avipāka—4]

Indriya sahajāta nissaya vipāka āhāra atthi avigatanti ekaṁ. Indriya sahajāta aññamañña nissaya vipāka āhāra atthi avigatanti ekaṁ. Indriya sahajāta aññamañña nissaya vipāka āhāra sampayutta atthi avigatanti ekaṁ. Indriya sahajāta nissaya vipāka āhāra vippayutta atthi avigatanti ekaṁ. Indriya sahajāta aññamañña nissaya vipāka āhāra vippayutta atthi avigatanti ekaṁ. [Savipāka—5]

Sādhipati-āhāraghaṭanā

Indriyādhipati sahajāta nissaya āhāra atthi avigatanti satta. Indriyādhipati sahajāta aññamañña nissaya āhāra sampayutta atthi avigatanti tīṇi. Indriyādhipati sahajāta nissaya āhāra vippayutta atthi avigatanti tīṇi. [Avipāka—3]

Indriyādhipati sahajāta nissaya vipāka āhāra atthi avigatanti ekaṁ. Indriyādhipati sahajāta aññamañña nissaya vipāka āhāra sampayutta atthi avigatanti ekaṁ. Indriyādhipati sahajāta nissaya vipāka āhāra vippayutta atthi avigatanti ekaṁ. [Savipāka—3]

Sādhipati-maggaghaṭanā

Indriyādhipati sahajāta nissaya magga atthi avigatanti satta. Indriyādhipati sahajāta aññamañña nissaya magga sampayutta atthi avigatanti tīṇi. Indriyādhipati sahajāta nissaya magga vippayutta atthi avigatanti tīṇi. [Avipāka—3]

Indriyādhipati sahajāta nissaya vipāka magga atthi avigatanti ekaṁ. Indriyādhipati sahajāta aññamañña nissaya vipāka magga sampayutta atthi avigatanti ekaṁ. Indriyādhipati sahajāta nissaya vipāka magga vippayutta atthi avigatanti ekaṁ. [Savipāka—3]

Sahetu-maggaghaṭanā

Indriya hetu sahajāta nissaya magga atthi avigatanti cattāri. Indriya hetu sahajāta aññamañña nissaya magga atthi avigatanti dve. Indriya hetu sahajāta aññamañña nissaya magga sampayutta atthi avigatanti dve. Indriya hetu sahajāta nissaya magga vippayutta atthi avigatanti dve. [Avipāka—4]

Indriya hetu sahajāta nissaya vipāka magga atthi avigatanti ekaṁ. Indriya hetu sahajāta aññamañña nissaya vipāka magga atthi avigatanti ekaṁ. Indriya hetu sahajāta aññamañña nissaya vipāka magga sampayutta atthi avigatanti ekaṁ. Indriya hetu sahajāta nissaya vipāka magga vippayutta atthi avigatanti ekaṁ. Indriya hetu sahajāta aññamañña nissaya vipāka magga vippayutta atthi avigatanti ekaṁ. [Savipāka—5]

Sahetu-adhipati-maggaghaṭanā

Indriya hetādhipati sahajāta nissaya magga atthi avigatanti cattāri. Indriya hetādhipati sahajāta aññamañña nissaya magga sampayutta atthi avigatanti dve. Indriya hetādhipati sahajāta nissaya magga vippayutta atthi avigatanti dve. [Avipāka—3]

Indriya hetādhipati sahajāta nissaya vipāka magga atthi avigatanti ekaṁ. Indriya hetādhipati sahajāta aññamañña nissaya vipāka magga sampayutta atthi avigatanti ekaṁ. Indriya hetādhipati sahajāta nissaya vipāka magga vippayutta atthi avigatanti ekaṁ. [Savipāka—3]

Indriyamūlakaṁ.

Jhānasabhāga

Jhānapaccayā sahajāte satta, aññamaññe tīṇi, nissaye satta, vipāke ekaṁ, indriye satta, magge satta, sampayutte tīṇi, vippayutte tīṇi, atthiyā satta, avigate satta.

Sāmaññaghaṭanā

Jhāna sahajāta nissaya atthi avigatanti satta. Jhāna sahajāta aññamañña nissaya atthi avigatanti tīṇi. Jhāna sahajāta aññamañña nissaya sampayutta atthi avigatanti tīṇi. Jhāna sahajāta nissaya vippayutta atthi avigatanti tīṇi. [Avipāka—4]

Jhāna sahajāta nissaya vipāka atthi avigatanti ekaṁ. Jhāna sahajāta aññamañña nissaya vipāka atthi avigatanti ekaṁ. Jhāna sahajāta aññamañña nissaya vipāka sampayutta atthi avigatanti ekaṁ. Jhāna sahajāta nissaya vipāka vippayutta atthi avigatanti ekaṁ. Jhāna sahajāta aññamañña nissaya vipāka vippayutta atthi avigatanti ekaṁ. [Savipāka—5]

Saindriyaghaṭanā

Jhāna sahajāta nissaya indriya atthi avigatanti satta. Jhāna sahajāta aññamañña nissaya indriya atthi avigatanti tīṇi. Jhāna sahajāta aññamañña nissaya indriya sampayutta atthi avigatanti tīṇi. Jhāna sahajāta nissaya indriya vippayutta atthi avigatanti tīṇi. [Avipāka—4]

Jhāna sahajāta nissaya vipāka indriya atthi avigatanti ekaṁ. Jhāna sahajāta aññamañña nissaya vipāka indriya atthi avigatanti ekaṁ. Jhāna sahajāta aññamañña nissaya vipāka indriya sampayutta atthi avigatanti ekaṁ. Jhāna sahajāta nissaya vipāka indriya vippayutta atthi avigatanti ekaṁ. Jhāna sahajāta aññamañña nissaya vipāka indriya vippayutta atthi avigatanti ekaṁ. [Savipāka—5]

Samaggaghaṭanā

Jhāna sahajāta nissaya magga atthi avigatanti satta. Jhāna sahajāta aññamañña nissaya magga atthi avigatanti tīṇi. Jhāna sahajāta aññamañña nissaya magga sampayutta atthi avigatanti tīṇi. Jhāna sahajāta nissaya magga vippayutta atthi avigatanti tīṇi. [Avipāka—4]

Jhāna sahajāta nissaya vipāka magga atthi avigatanti ekaṁ. Jhāna sahajāta aññamañña nissaya vipāka magga atthi avigatanti ekaṁ. Jhāna sahajāta aññamañña nissaya vipāka magga sampayutta atthi avigatanti ekaṁ. Jhāna sahajāta nissaya vipāka magga vippayutta atthi avigatanti ekaṁ. Jhāna sahajāta aññamañña nissaya vipāka magga vippayutta atthi avigatanti ekaṁ. [Savipāka—5]

Saindriya-maggaghaṭanā

Jhāna sahajāta nissaya indriya magga atthi avigatanti satta. Jhāna sahajāta aññamañña nissaya indriya magga atthi avigatanti tīṇi. Jhāna sahajāta aññamañña nissaya indriya magga sampayutta atthi avigatanti tīṇi. Jhāna sahajāta nissaya indriya magga vippayutta atthi avigatanti tīṇi. [Avipāka—4]

Jhāna sahajāta nissaya vipāka indriya magga atthi avigatanti ekaṁ. Jhāna sahajāta aññamañña nissaya vipāka indriya magga atthi avigatanti ekaṁ. Jhāna sahajāta aññamañña nissaya vipāka indriya magga sampayutta atthi avigatanti ekaṁ. Jhāna sahajāta nissaya vipāka indriya magga vippayutta atthi avigatanti ekaṁ. Jhāna sahajāta aññamañña nissaya vipāka indriya magga vippayutta atthi avigatanti ekaṁ. [Savipāka—5]

Jhānamūlakaṁ.

Maggasabhāga

Maggapaccayā hetuyā cattāri, adhipatiyā satta, sahajāte satta, aññamaññe tīṇi, nissaye satta, vipāke ekaṁ, indriye satta, jhāne satta, sampayutte tīṇi, vippayutte tīṇi, atthiyā satta, avigate satta.

Maggasāmaññaghaṭanā

Magga sahajāta nissaya atthi avigatanti satta. Magga sahajāta aññamañña nissaya atthi avigatanti tīṇi. Magga sahajāta aññamañña nissaya sampayutta atthi avigatanti tīṇi. Magga sahajāta nissaya vippayutta atthi avigatanti tīṇi. [Avipāka—4]

Magga sahajāta nissaya vipāka atthi avigatanti ekaṁ. Magga sahajāta aññamañña nissaya vipāka atthi avigatanti ekaṁ. Magga sahajāta aññamañña nissaya vipāka sampayutta atthi avigatanti ekaṁ. Magga sahajāta nissaya vipāka vippayutta atthi avigatanti ekaṁ. Magga sahajāta aññamañña nissaya vipāka vippayutta atthi avigatanti ekaṁ. [Savipāka—5]

Saindriyaghaṭanā

Magga sahajāta nissaya indriya atthi avigatanti satta. Magga sahajāta aññamañña nissaya indriya atthi avigatanti tīṇi. Magga sahajāta aññamañña nissaya indriya sampayutta atthi avigatanti tīṇi. Magga sahajāta nissaya indriya vippayutta atthi avigatanti tīṇi. [Avipāka—4]

Magga sahajāta nissaya vipāka indriya atthi avigatanti ekaṁ. Magga sahajāta aññamañña nissaya vipāka indriya atthi avigatanti ekaṁ. Magga sahajāta aññamañña nissaya vipāka indriya sampayutta atthi avigatanti ekaṁ. Magga sahajāta nissaya vipāka indriya vippayutta atthi avigatanti ekaṁ. Magga sahajāta aññamañña nissaya vipāka indriya vippayutta atthi avigatanti ekaṁ. [Savipāka—5]

Sajhānaghaṭanā

Magga sahajāta nissaya jhāna atthi avigatanti satta. Magga sahajāta aññamañña nissaya jhāna atthi avigatanti tīṇi. Magga sahajāta aññamañña nissaya jhāna sampayutta atthi avigatanti tīṇi. Magga sahajāta nissaya jhāna vippayutta atthi avigatanti tīṇi. [Avipāka—4]

Magga sahajāta nissaya vipāka jhāna atthi avigatanti ekaṁ. Magga sahajāta aññamañña nissaya vipāka jhāna atthi avigatanti ekaṁ. Magga sahajāta aññamañña nissaya vipāka jhāna sampayutta atthi avigatanti ekaṁ. Magga sahajāta nissaya vipāka jhāna vippayutta atthi avigatanti ekaṁ. Magga sahajāta aññamañña nissaya vipāka jhāna vippayutta atthi avigatanti ekaṁ. [Savipāka—5]

Saindriya-jhānaghaṭanā

Magga sahajāta nissaya indriya jhāna atthi avigatanti satta. Magga sahajāta aññamañña nissaya indriya jhāna atthi avigatanti tīṇi. Magga sahajāta aññamañña nissaya indriya jhāna sampayutta atthi avigatanti tīṇi. Magga sahajāta nissaya indriya jhāna vippayutta atthi avigatanti tīṇi. [Avipāka—4]

Magga sahajāta nissaya vipāka indriya jhāna atthi avigatanti ekaṁ. Magga sahajāta aññamañña nissaya vipāka indriya jhāna atthi avigatanti ekaṁ. Magga sahajāta aññamañña nissaya vipāka indriya jhāna sampayutta atthi avigatanti ekaṁ. Magga sahajāta nissaya vipāka indriya jhāna vippayutta atthi avigatanti ekaṁ. Magga sahajāta aññamañña nissaya vipāka indriya jhāna vippayutta atthi avigatanti ekaṁ. [Savipāka—5]

Sādhipati-indriyaghaṭanā

Maggādhipati sahajāta nissaya indriya atthi avigatanti satta. Maggādhipati sahajāta aññamañña nissaya indriya sampayutta atthi avigatanti tīṇi. Maggādhipati sahajāta nissaya indriya vippayutta atthi avigatanti tīṇi. [Avipāka—3]

Maggādhipati sahajāta nissaya vipāka indriya atthi avigatanti ekaṁ. Maggādhipati sahajāta aññamañña nissaya vipāka indriya sampayutta atthi avigatanti ekaṁ. Maggādhipati sahajāta nissaya vipāka indriya vippayutta atthi avigatanti ekaṁ. [Savipāka—3]

Sahetu-indriyaghaṭanā

Magga hetu sahajāta nissaya indriya atthi avigatanti cattāri. Magga hetu sahajāta aññamañña nissaya indriya atthi avigatanti dve. Magga hetu sahajāta aññamañña nissaya indriya sampayutta atthi avigatanti dve. Magga hetu sahajāta nissaya indriya vippayutta atthi avigatanti dve. [Avipāka—4]

Magga hetu sahajāta nissaya vipāka indriya atthi avigatanti ekaṁ. Magga hetu sahajāta aññamañña nissaya vipāka indriya atthi avigatanti ekaṁ. Magga hetu sahajāta aññamañña nissaya vipāka indriya sampayutta atthi avigatanti ekaṁ. Magga hetu sahajāta nissaya vipāka indriya vippayutta atthi avigatanti ekaṁ. Magga hetu sahajāta aññamañña nissaya vipāka indriya vippayutta atthi avigatanti ekaṁ. [Savipāka—5]

Sahetādhipati-indriyaghaṭanā

Magga hetādhipati sahajāta nissaya indriya atthi avigatanti cattāri. Magga hetādhipati sahajāta aññamañña nissaya indriya sampayutta atthi avigatanti dve. Magga hetādhipati sahajāta nissaya indriya vippayutta atthi avigatanti dve. [Avipāka—3]

Magga hetādhipati sahajāta nissaya vipāka indriya atthi avigatanti ekaṁ. Magga hetādhipati sahajāta aññamañña nissaya vipāka indriya sampayutta atthi avigatanti ekaṁ. Magga hetādhipati sahajāta nissaya vipāka indriya vippayutta atthi avigatanti ekaṁ. [Savipāka—3]

Maggamūlakaṁ.

Sampayuttasabhāga

Sampayuttapaccayā hetuyā tīṇi, adhipatiyā tīṇi, sahajāte tīṇi, aññamaññe tīṇi, nissaye tīṇi, kamme tīṇi, vipāke ekaṁ, āhāre tīṇi, indriye tīṇi, jhāne tīṇi, magge tīṇi, atthiyā tīṇi, avigate tīṇi.

Sampayuttaghaṭanā

Sampayutta sahajāta aññamañña nissaya atthi avigatanti tīṇi. [Avipāka—1]

Sampayutta sahajāta aññamañña nissaya vipāka atthi avigatanti ekaṁ. [Savipāka—1]

Sampayuttamūlakaṁ.

Vippayuttasabhāga

Vippayuttapaccayā hetuyā tīṇi, ārammaṇe tīṇi, adhipatiyā cattāri, sahajāte tīṇi, aññamaññe ekaṁ, nissaye pañca, upanissaye ekaṁ, purejāte tīṇi, pacchājāte tīṇi, kamme tīṇi, vipāke ekaṁ, āhāre tīṇi, indriye tīṇi, jhāne tīṇi, magge tīṇi, atthiyā pañca, avigate pañca.

Vippayuttamissakaghaṭanā

Vippayutta atthi avigatanti pañca. Vippayutta nissaya atthi avigatanti pañca. Vippayuttādhipati nissaya atthi avigatanti cattāri. Vippayutta nissaya indriya atthi avigatanti tīṇi.

Pakiṇṇakaghaṭanā

Vippayutta pacchājāta atthi avigatanti tīṇi. Vippayutta nissaya purejāta atthi avigatanti tīṇi. Vippayutta ārammaṇa nissaya purejāta atthi avigatanti tīṇi. Vippayutta ārammaṇādhipati nissaya upanissaya purejāta atthi avigatanti ekaṁ. Vippayutta nissaya purejāta indriya atthi avigatanti ekaṁ.

Sahajātaghaṭanā

Vippayutta sahajāta nissaya atthi avigatanti tīṇi. Vippayutta sahajāta aññamañña nissaya atthi avigatanti ekaṁ. [Avipāka—2]

Vippayutta sahajāta nissaya vipāka atthi avigatanti ekaṁ. Vippayutta sahajāta aññamañña nissaya vipāka atthi avigatanti ekaṁ. [Savipāka—2]

Vippayuttamūlakaṁ.

Atthisabhāga

Atthipaccayā hetuyā satta, ārammaṇe tīṇi, adhipatiyā aṭṭha, sahajāte nava, aññamaññe tīṇi, nissaye terasa, upanissaye ekaṁ, purejāte tīṇi, pacchājāte tīṇi, kamme satta, vipāke ekaṁ, āhāre satta, indriye satta, jhāne satta, magge satta, sampayutte tīṇi, vippayutte pañca, avigate terasa.

Atthimissakaghaṭanā

Atthi avigatanti terasa. Atthi nissaya avigatanti terasa. Atthi adhipati avigatanti aṭṭha. Atthi adhipati nissaya avigatanti aṭṭha. Atthi āhāra avigatanti satta. Atthi indriya avigatanti satta. Atthi nissaya indriya avigatanti satta. Atthi vippayutta avigatanti pañca. Atthi nissaya vippayutta avigatanti pañca. Atthi adhipati nissaya vippayutta avigatanti cattāri. Atthi nissaya indriya vippayutta avigatanti tīṇi.

Pakiṇṇakaghaṭanā

Atthi pacchājāta vippayutta avigatanti tīṇi. Atthi purejāta avigatanti tīṇi. Atthi nissaya purejāta vippayutta avigatanti tīṇi. Atthi ārammaṇa purejāta avigatanti tīṇi. Atthi ārammaṇa nissaya purejāta vippayuttaṁ avigatanti tīṇi. Atthi ārammaṇādhipati upanissaya purejāta avigatanti ekaṁ. Atthi ārammaṇādhipati nissaya upanissaya purejāta vippayutta avigatanti ekaṁ. Atthi nissaya purejāta indriya vippayutta avigatanti ekaṁ.

Sahajātaghaṭanā

Atthi sahajāta nissaya avigatanti nava. Atthi sahajāta aññamañña nissaya avigatanti tīṇi. Atthi sahajāta aññamañña nissaya sampayutta avigatanti tīṇi. Atthi sahajāta nissaya vippayutta avigatanti tīṇi. Atthi sahajāta aññamañña nissaya vippayutta avigatanti ekaṁ. [Avipāka—5]

Atthi sahajāta nissaya vipāka avigatanti ekaṁ. Atthi sahajāta aññamañña nissaya vipāka avigatanti ekaṁ. Atthi sahajāta aññamañña nissaya vipāka sampayutta avigatanti ekaṁ. Atthi sahajāta nissaya vipāka vippayutta avigatanti ekaṁ. Atthi sahajāta aññamañña nissaya vipāka vippayutta avigatanti ekaṁ. [Savipāka—5]

Atthimūlakaṁ.

Natthisabhāga

Natthipaccayā anantare satta, samanantare satta, upanissaye satta, āsevane tīṇi, kamme ekaṁ, vigate satta.

Natthighaṭanā

Natthi anantara samanantara upanissaya vigatanti satta. Natthi anantara samanantara upanissaya āsevana vigatanti tīṇi. Natthi anantara samanantara upanissaya kamma vigatanti ekaṁ.

Natthimūlakaṁ.

Vigatasabhāga

Vigatapaccayā anantare satta, samanantare satta, upanissaye satta, āsevane tīṇi, kamme ekaṁ, natthiyā satta.

Vigataghaṭanā

Vigata anantara samanantara upanissaya natthīti satta. Vigata anantara samanantara upanissaya āsevana natthīti tīṇi. Vigata anantara samanantara upanissaya kamma natthīti ekaṁ.

Vigatamūlakaṁ.

Avigatasabhāga

Avigatapaccayā hetuyā satta, ārammaṇe tīṇi, adhipatiyā aṭṭha, sahajāte nava, aññamaññe tīṇi, nissaye terasa, upanissaye ekaṁ, purejāte tīṇi, pacchājāte tīṇi, kamme satta, vipāke ekaṁ, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa.

Avigatamissakaghaṭanā

Avigata atthīti terasa. Avigata nissaya atthīti terasa. Avigata adhipati atthīti aṭṭha. Avigatādhipati nissaya atthīti aṭṭha. Avigata āhāra atthīti satta. Avigata indriya atthīti satta. Avigata nissaya indriya atthīti satta. Avigata vippayutta atthīti pañca. Avigata nissaya vippayutta atthīti pañca. Avigata adhipati nissaya vippayutta atthīti cattāri. Avigata nissaya indriya vippayutta atthīti tīṇi.

Pakiṇṇakaghaṭanā

Avigata pacchājāta vippayutta atthīti tīṇi. Avigata purejāta atthīti tīṇi. Avigata nissaya purejāta vippayutta atthīti tīṇi. Avigata ārammaṇa purejāta atthīti tīṇi. Avigata ārammaṇa nissaya purejāta vippayutta atthīti tīṇi. Avigata ārammaṇādhipati upanissaya purejāta atthīti ekaṁ. Avigata ārammaṇādhipati nissaya upanissaya purejāta vippayutta atthīti ekaṁ. Avigata nissaya purejāta indriya vippayutta atthīti ekaṁ.

Sahajātaghaṭanā

Avigata sahajāta nissaya atthīti nava. Avigata sahajāta aññamañña nissaya atthīti tīṇi. Avigata sahajāta aññamañña nissaya sampayutta atthīti tīṇi. Avigata sahajāta nissaya vippayutta atthīti tīṇi. Avigata sahajāta aññamañña nissaya vippayutta atthīti ekaṁ. [Avipāka—5]

Avigata sahajāta nissaya vipāka atthīti ekaṁ. Avigata sahajāta aññamañña nissaya vipāka atthīti ekaṁ. Avigata sahajāta aññamañña nissaya vipāka sampayutta atthīti ekaṁ. Avigata sahajāta nissaya vipāka vippayutta atthīti ekaṁ. Avigata sahajāta aññamañña nissaya vipāka vippayutta atthīti ekaṁ. [Savipāka—5]

Avigatamūlakaṁ.

Pañhāvārassa anulomagaṇanā.

Paccanīyuddhāra

Kusalo dhammo kusalassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo.

Kusalo dhammo akusalassa dhammassa ārammaṇapaccayena paccayo … upanissayapaccayena paccayo.

Kusalo dhammo abyākatassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … pacchājātapaccayena paccayo … kammapaccayena paccayo.

Kusalo dhammo kusalassa ca abyākatassa ca dhammassa sahajātapaccayena paccayo.

Akusalo dhammo akusalassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo.

Akusalo dhammo kusalassa dhammassa ārammaṇapaccayena paccayo … upanissayapaccayena paccayo.

Akusalo dhammo abyākatassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … pacchājātapaccayena paccayo … kammapaccayena paccayo.

Akusalo dhammo akusalassa ca abyākatassa ca dhammassa sahajātapaccayena paccayo.

Abyākato dhammo abyākatassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … āhārapaccayena paccayo … indriyapaccayena paccayo.

Abyākato dhammo kusalassa dhammassa ārammaṇapaccayena paccayo … upanissayapaccayena paccayo … purejātapaccayena paccayo.

Abyākato dhammo akusalassa dhammassa ārammaṇapaccayena paccayo … upanissayapaccayena paccayo … purejātapaccayena paccayo.

Kusalo ca abyākato ca dhammā kusalassa dhammassa sahajātaṁ, purejātaṁ.

Kusalo ca abyākato ca dhammā abyākatassa dhammassa sahajātaṁ, pacchājātaṁ, āhāraṁ, indriyaṁ.

Akusalo ca abyākato ca dhammā akusalassa dhammassa sahajātaṁ, purejātaṁ.

Akusalo ca abyākato ca dhammā abyākatassa dhammassa sahajātaṁ, pacchājātaṁ, āhāraṁ, indriyaṁ.

Pañhāvārassa paccanīyuddhāraṁ.

1.2.7.2. Paccayapaccanīya

Saṅkhyāvāra

Suddha

Nahetuyā pannarasa, naārammaṇe pannarasa, naadhipatiyā pannarasa, naanantare pannarasa, nasamanantare pannarasa, nasahajāte ekādasa, naaññamaññe ekādasa, nanissaye ekādasa, naupanissaye pannarasa, napurejāte terasa, napacchājāte pannarasa, naāsevane pannarasa, nakamme pannarasa, navipāke pannarasa, naāhāre pannarasa, naindriye pannarasa, najhāne pannarasa, namagge pannarasa, nasampayutte ekādasa, navippayutte nava, noatthiyā nava, nonatthiyā pannarasa, novigate pannarasa, noavigate nava.

1.2. Paccayapaccanīya

Vibhaṅgavāra

Nahetuduka

Nahetupaccayā naārammaṇe pannarasa, naadhipatiyā pannarasa, naanantare pannarasa, nasamanantare pannarasa, nasahajāte ekādasa, naaññamaññe ekādasa, nanissaye ekādasa, naupanissaye pannarasa, napurejāte terasa, napacchājāte pannarasa, naāsevane pannarasa, nakamme pannarasa, navipāke pannarasa, naāhāre pannarasa, naindriye pannarasa, najhāne pannarasa, namagge pannarasa, nasampayutte ekādasa, navippayutte nava, noatthiyā nava, nonatthiyā pannarasa, novigate pannarasa, noavigate nava.

Tika

Nahetupaccayā naārammaṇapaccayā naadhipatiyā pannarasa, naanantare pannarasa, nasamanantare pannarasa, nasahajāte ekādasa, naaññamaññe ekādasa, nanissaye ekādasa, naupanissaye terasa, napurejāte terasa, napacchājāte pannarasa, naāsevane pannarasa, nakamme pannarasa, navipāke pannarasa, naāhāre pannarasa, naindriye pannarasa, najhāne pannarasa, namagge pannarasa, nasampayutte ekādasa, navippayutte nava, noatthiyā nava, nonatthiyā pannarasa, novigate pannarasa, noavigate nava …pe….

Chakka

Nahetupaccayā naārammaṇapaccayā naadhipatipaccayā naanantarapaccayā nasamanantarapaccayā nasahajāte ekādasa, naaññamaññe ekādasa, nanissaye ekādasa, naupanissaye terasa, napurejāte terasa, napacchājāte pannarasa, naāsevane pannarasa, nakamme pannarasa, navipāke pannarasa, naāhāre pannarasa, naindriye pannarasa, najhāne pannarasa, namagge pannarasa, nasampayutte ekādasa, navippayutte nava, noatthiyā nava, nonatthiyā pannarasa, novigate pannarasa, noavigate nava.

Sattaka

Nahetupaccayā naārammaṇapaccayā naadhipatipaccayā naanantarapaccayā nasamanantarapaccayā nasahajātapaccayā naaññamaññe ekādasa, nanissaye ekādasa, naupanissaye satta, napurejāte ekādasa, napacchājāte nava, naāsevane ekādasa, nakamme ekādasa, navipāke ekādasa, naāhāre ekādasa, naindriye ekādasa, najhāne ekādasa, namagge ekādasa, nasampayutte ekādasa, navippayutte nava, noatthiyā nava, nonatthiyā ekādasa, novigate ekādasa, noavigate nava.

Aṭṭhaka

Nahetupaccayā naārammaṇapaccayā naadhipatipaccayā naanantarapaccayā nasamanantarapaccayā nasahajātapaccayā naaññamaññapaccayā nanissaye ekādasa, naupanissaye satta, napurejāte ekādasa, napacchājāte nava, naāsevane ekādasa, nakamme ekādasa, navipāke ekādasa, naāhāre ekādasa, naindriye ekādasa, najhāne ekādasa, namagge ekādasa, nasampayutte ekādasa, navippayutte nava, noatthiyā nava, nonatthiyā ekādasa, novigate ekādasa, noavigate nava.

Navaka

Nahetupaccayā naārammaṇapaccayā naadhipatipaccayā naanantarapaccayā nasamanantarapaccayā nasahajātapaccayā naaññamaññapaccayā nanissayapaccayā naupanissaye pañca, napurejāte ekādasa, napacchājāte nava, naāsevane ekādasa, nakamme ekādasa, navipāke ekādasa, naāhāre ekādasa, naindriye ekādasa, na jhāne ekādasa, namagge ekādasa, nasampayutte ekādasa, navippayutte nava, noatthiyā nava, nonatthiyā ekādasa, novigate ekādasa, noavigate nava.

Dasaka

Nahetupaccayā naārammaṇapaccayā naadhipatipaccayā naanantarapaccayā nasamanantarapaccayā nasahajātapaccayā naaññamaññapaccayā nanissayapaccayā naupanissayapaccayā napurejāte pañca, napacchājāte tīṇi, naāsevane pañca, nakamme pañca, navipāke pañca, naāhāre pañca, naindriye pañca, najhāne pañca, namagge pañca, nasampayutte pañca, navippayutte tīṇi, noatthiyā dve, nonatthiyā pañca, novigate pañca, noavigate dve.

Ekādasaka

Nahetupaccayā naārammaṇapaccayā naadhipatipaccayā naanantarapaccayā nasamanantarapaccayā nasahajātapaccayā naaññamaññapaccayā nanissayapaccayā naupanissayapaccayā napurejātapaccayā napacchājāte tīṇi, naāsevane pañca, nakamme pañca, navipāke pañca, naāhāre pañca, naindriye pañca, najhāne pañca, namagge pañca, nasampayutte pañca, navippayutte tīṇi, noatthiyā dve, nonatthiyā pañca, novigate pañca, noavigate dve.