Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Milindapañha
6. Bojjhaṅgapañha (MIL3.7.6)
- Thông tin
- Mã SuttaCentral: MIL3.7.6
Milindapañha
Arūpadhammavavatthānavagga
6. Bojjhaṅgapañha
Rājā āha—
“kati nu kho, bhante nāgasena, bojjhaṅgā”ti?
“Satta kho, mahārāja, bojjhaṅgā”ti.
“Katihi pana, bhante, bojjhaṅgehi bujjhatī”ti?
“Ekena kho, mahārāja, bojjhaṅgena bujjhati dhammavicayasambojjhaṅgenā”ti.
“Atha kissa nu kho, bhante, vuccanti ‘satta bojjhaṅgā’”ti?
“Taṁ kiṁ maññasi, mahārāja, asi kosiyā pakkhitto aggahito hatthena ussahati chejjaṁ chinditun”ti.
“Na hi, bhante”ti.
“Evameva kho, mahārāja, dhammavicayasambojjhaṅgena vinā chahi bojjhaṅgehi na bujjhatī”ti.
“Kallosi, bhante nāgasenā”ti.
Bojjhaṅgapañho chaṭṭho.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.