Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Milindapañha
7. Pathavisandhārakapañha (MIL3.4.7)
- Thông tin
- Mã SuttaCentral: MIL3.4.7
Milindapañha
Nibbānavagga
7. Pathavisandhārakapañha
Rājā āha—
“bhante nāgasena, tumhe bhaṇatha—
‘ayaṁ mahā pathavī udake patiṭṭhitā, udakaṁ vāte patiṭṭhitaṁ, vāto ākāse patiṭṭhito’ti, etampi vacanaṁ na saddahāmī”ti.
Thero dhammakarakena udakaṁ gahetvā rājānaṁ milindaṁ saññāpesi—
“yathā, mahārāja, imaṁ udakaṁ vātena ādhāritaṁ, evaṁ tampi udakaṁ vātena ādhāritan”ti.
“Kallosi, bhante nāgasenā”ti.
Pathavisandhārakapañho sattamo.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.