Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Milindapañha
3. Pañcāyatanakammanibbattapañha (MIL3.4.3)
- Thông tin
- Mã SuttaCentral: MIL3.4.3
Milindapañha
Nibbānavagga
3. Pañcāyatanakammanibbattapañha
Rājā āha—
“bhante nāgasena, yānimāni pañcāyatanāni, kiṁ nu tāni nānākammehi nibbattāni, udāhu ekena kammenā”ti?
“Nānākammehi, mahārāja, nibbattāni, na ekena kammenā”ti.
“Opammaṁ karohī”ti.
“Taṁ kiṁ maññasi, mahārāja, ekasmiṁ khette nānābījāni vappeyyuṁ, tesaṁ nānābījānaṁ nānāphalāni nibbatteyyun”ti?
“Āma, bhante, nibbatteyyun”ti.
“Evameva kho, mahārāja, yāni yāni pañcāyatanāni, tāni tāni nānākammehi nibbattāni, na ekena kammenā”ti.
“Kallosi, bhante nāgasenā”ti.
Pañcāyatanakammanibbattapañho tatiyo.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.