Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Milindapañha
7. Yonisomanasikārapañha (MIL3.1.7)
- Thông tin
- Mã SuttaCentral: MIL3.1.7
Milindapañha
Mahāvagga
7. Yonisomanasikārapañha
Rājā āha—
“bhante nāgasena, yo na paṭisandahati, nanu so yoniso manasikārena na paṭisandahatī”ti?
“Yoniso ca, mahārāja, manasikārena paññāya ca aññehi ca kusalehi dhammehī”ti.
“Nanu, bhante, yoniso manasikāroyeva paññā”ti?
“Na hi, mahārāja, añño manasikāro, aññā paññā, imesaṁ kho, mahārāja, ajeḷakagoṇamahiṁsaoṭṭhagadrabhānampi manasikāro atthi, paññā pana tesaṁ natthī”ti.
“Kallosi, bhante nāgasenā”ti.
Yonisomanasikārapañho sattamo.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.