Tam tạng Pāli · Tam tạng Pāli — nguyên bản Pāli (Mahāsaṅgīti) · Luận tạng › Kathāvatthu
Gandhajātikathā (KV18.4)
- Thông tin
- Mã SuttaCentral: KV18.4
Kathāvatthu
Mahāpaṇṇāsaka
Aṭṭhārasamavagga
Gandhajātikathā
Buddhassa bhagavato uccārapassāvo ativiya aññe gandhajāte adhiggaṇhātīti?
Āmantā.
Bhagavā gandhabhojīti?
Na hevaṁ vattabbe …pe…
nanu bhagavā odanakummāsaṁ bhuñjatīti?
Āmantā.
Hañci bhagavā odanakummāsaṁ bhuñjati, no ca vata re vattabbe—
“buddhassa bhagavato uccārapassāvo ativiya aññe gandhajāte adhiggaṇhātī”ti.
Buddhassa bhagavato uccārapassāvo ativiya aññe gandhajāte adhiggaṇhātīti?
Āmantā.
Atthi keci buddhassa bhagavato uccārapassāvaṁ nhāyanti vilimpanti ucchādenti peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṁ karontīti?
Na hevaṁ vattabbe …pe….
Gandhajātikathā niṭṭhitā.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.