Tam tạng Pāli · Tam tạng Pāli — nguyên bản Pāli (Mahāsaṅgīti) · Luận tạng › Kathāvatthu
Nirodhakathā (KV10.1)
- Thông tin
- Mã SuttaCentral: KV10.1
Kathāvatthu
Niyāmapaṇṇāsaka
Dasamavagga
Nirodhakathā
Upapattesiye pañcakkhandhe aniruddhe kiriyā pañcakkhandhā uppajjantīti?
Āmantā.
Dasannaṁ khandhānaṁ samodhānaṁ hoti, dasa khandhā sammukhībhāvaṁ āgacchantīti?
Na hevaṁ vattabbe …pe…
dasannaṁ khandhānaṁ samodhānaṁ hoti, dasa khandhā sammukhībhāvaṁ āgacchantīti?
Āmantā. dvinnaṁ phassānaṁ …pe… dvinnaṁ cittānaṁ samodhānaṁ hotīti?
Na hevaṁ vattabbe …pe….
Upapattesiye pañcakkhandhe aniruddhe kiriyā cattāro khandhā uppajjantīti?
Āmantā.
Navannaṁ khandhānaṁ samodhānaṁ hoti, nava khandhā sammukhībhāvaṁ āgacchantīti?
Na hevaṁ vattabbe …pe…
navannaṁ khandhānaṁ samodhānaṁ hoti, nava khandhā sammukhībhāvaṁ āgacchantīti?
Āmantā. dvinnaṁ phassānaṁ …pe… dvinnaṁ cittānaṁ samodhānaṁ hotīti?
Na hevaṁ vattabbe …pe….
Upapattesiye pañcakkhandhe aniruddhe kiriyāñāṇaṁ uppajjatīti?
Āmantā.
Channaṁ khandhānaṁ samodhānaṁ hoti, cha khandhā sammukhībhāvaṁ āgacchantīti?
Na hevaṁ vattabbe …pe…
channaṁ khandhānaṁ samodhānaṁ hoti, cha khandhā sammukhībhāvaṁ āgacchantīti?
Āmantā. dvinnaṁ phassānaṁ …pe… dvinnaṁ cittānaṁ samodhānaṁ hotīti?
Na hevaṁ vattabbe …pe….
Upapattesiye pañcakkhandhe niruddhe maggo uppajjatīti?
Āmantā.
Mato maggaṁ bhāveti, kālaṅkato maggaṁ bhāvetīti?
Na hevaṁ vattabbe …pe….
Nirodhakathā niṭṭhitā.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.