Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Khuddakapāṭha
Kumārapañhā (KP4)
- Thông tin
- Mã SuttaCentral: KP4
Khuddakapāṭha 4
Kumārapañhā
Ekaṁ nāma kiṁ?
Sabbe sattā āhāraṭṭhitikā.
Dve nāma kiṁ?
Nāmañca rūpañca.
Tīṇi nāma kiṁ?
Tisso vedanā.
Cattāri nāma kiṁ?
Cattāri ariyasaccāni.
Pañca nāma kiṁ?
Pañcupādānakkhandhā.
Cha nāma kiṁ?
Cha ajjhattikāni āyatanāni.
Satta nāma kiṁ?
Satta bojjhaṅgā.
Aṭṭha nāma kiṁ?
Ariyo aṭṭhaṅgiko maggo.
Nava nāma kiṁ?
Nava sattāvāsā.
Dasa nāma kiṁ?
Dasahaṅgehi samannāgato “arahā”ti vuccatīti.
Kumārapañhā.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.