Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
8. Araññajātaka (JA348)
- Thông tin
- Mã SuttaCentral: JA348
Jātaka
Catukkanipāta
Cūḷakuṇālavagga
8. Araññajātaka
“Araññā gāmamāgamma,
kiṁsīlaṁ kiṁvataṁ ahaṁ;
Purisaṁ tāta seveyyaṁ,
taṁ me akkhāhi pucchito”.
“Yo taṁ vissāsaye tāta,
vissāsañca khameyya te;
Sussūsī ca titikkhī ca,
taṁ bhajehi ito gato.
Yassa kāyena vācāya,
manasā natthi dukkaṭaṁ;
Urasīva patiṭṭhāya,
taṁ bhajehi ito gato.
Haliddirāgaṁ kapicittaṁ,
purisaṁ rāgavirāginaṁ;
Tādisaṁ tāta mā sevi,
nimmanussampi ce siyā”ti.
Araññajātakaṁ aṭṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.