Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
9. Bāverujātaka (JA339)
- Thông tin
- Mã SuttaCentral: JA339
Jātaka
Catukkanipāta
Kokilavagga
9. Bāverujātaka
“Adassanena morassa,
sikhino mañjubhāṇino;
Kākaṁ tattha apūjesuṁ,
maṁsena ca phalena ca.
Yadā ca sarasampanno,
moro bāverumāgamā;
Atha lābho ca sakkāro,
vāyasassa ahāyatha.
Yāva nuppajjatī buddho,
dhammarājā pabhaṅkaro;
Tāva aññe apūjesuṁ,
puthū samaṇabrāhmaṇe.
Yadā ca sarasampanno,
buddho dhammaṁ adesayi;
Atha lābho ca sakkāro,
titthiyānaṁ ahāyathā”ti.
Bāverujātakaṁ navamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.