Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
5. Jambukajātaka (JA335)
- Thông tin
- Mã SuttaCentral: JA335
Jātaka
Catukkanipāta
Kokilavagga
5. Jambukajātaka
“Brahā pavaḍḍhakāyo so,
dīghadāṭho ca jambuka;
Na tvaṁ tattha kule jāto,
yattha gaṇhanti kuñjaraṁ”.
“Asīho sīhamānena,
yo attānaṁ vikubbati;
Kotthūva gajamāsajja,
seti bhūmyā anutthunaṁ.
Yasassino uttamapuggalassa,
Sañjātakhandhassa mahabbalassa;
Asamekkhiya thāmabalūpapattiṁ,
Sa seti nāgena hatoyaṁ jambuko.
Yo cīdha kammaṁ kurute pamāya,
Thāmabbalaṁ attani saṁviditvā;
Jappena mantena subhāsitena,
Parikkhavā so vipulaṁ jinātī”ti.
Jambukajātakaṁ pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.