Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
1. Kokilajātaka (JA331)
- Thông tin
- Mã SuttaCentral: JA331
Jātaka
Catukkanipāta
Kokilavagga
1. Kokilajātaka
“Yo ve kāle asampatte,
ativelaṁ pabhāsati;
Evaṁ so nihato seti,
kokilāyiva atrajo.
Na hi satthaṁ sunisitaṁ,
visaṁ halāhalāmiva;
Evaṁ nikaṭṭhe pāteti,
vācā dubbhāsitā yathā.
Tasmā kāle akāle vā,
vācaṁ rakkheyya paṇḍito;
Nātivelaṁ pabhāseyya,
api attasamamhi vā.
Yo ca kāle mitaṁ bhāse,
matipubbo vicakkhaṇo;
Sabbe amitte ādeti,
supaṇṇo uragāmivā”ti.
Kokilajātakaṁ paṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.