Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
4. Daddarajātaka (JA304)
- Thông tin
- Mã SuttaCentral: JA304
Jātaka
Catukkanipāta
Kāliṅgavagga
4. Daddarajātaka
“Imāni maṁ daddara tāpayanti,
Vācāduruttāni manussaloke;
Maṇḍūkabhakkhā udakantasevī,
Āsīvisaṁ maṁ avisā sapanti”.
“Sakā raṭṭhā pabbājito,
aññaṁ janapadaṁ gato;
Mahantaṁ koṭṭhaṁ kayirātha,
duruttānaṁ nidhetave.
Yattha posaṁ na jānanti,
jātiyā vinayena vā;
Na tattha mānaṁ kayirātha,
vasamaññātake jane.
Videsavāsaṁ vasato,
jātavedasamenapi;
Khamitabbaṁ sapaññena,
api dāsassa tajjitan”ti.
Daddarajātakaṁ catutthaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.