Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
5. Maṇisūkarajātaka (JA285)
- Thông tin
- Mã SuttaCentral: JA285
Jātaka
Tikanipāta
Abbhantaravagga
5. Maṇisūkarajātaka
“Dariyā satta vassāni,
tiṁsamattā vasāmase;
Haññāma maṇino ābhaṁ,
iti no mantanaṁ ahu.
Yāvatā maṇiṁ ghaṁsāma,
bhiyyo vodāyate maṇi;
Idañca dāni pucchāma,
kiṁ kiccaṁ idha maññasi”.
“Ayaṁ maṇi veḷūriyo,
akāco vimalo subho;
Nāssa sakkā siriṁ hantuṁ,
apakkamatha sūkarā”ti.
Maṇisūkarajātakaṁ pañcamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.