Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Itivuttaka
Mūlasutta (ITI50)
- Thông tin
- Mã SuttaCentral: ITI50
Itivuttaka 50
Tikanipāta
Paṭhamavagga
Mūlasutta
Vuttañhetaṁ bhagavatā vuttamarahatāti me sutaṁ:
“Tīṇimāni, bhikkhave, akusalamūlāni.
Katamāni tīṇi?
Lobho akusalamūlaṁ, doso akusalamūlaṁ, moho akusalamūlaṁ—
imāni kho, bhikkhave, tīṇi akusalamūlānī”ti.
Etamatthaṁ bhagavā avoca.
Tatthetaṁ iti vuccati:
“Lobho doso ca moho ca,
purisaṁ pāpacetasaṁ;
Hiṁsanti attasambhūtā,
tacasāraṁva samphalan”ti.
Ayampi attho vutto bhagavatā, iti me sutanti.
Paṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.